Atap aıtqanda, Parlamenttiń tómengi zań shyǵarý palatasynyń birinshi otyrysynyń qorytyndysy boıynsha О́zbekstan Úkimetiniń óz ókildigin toqtatyny týraly ótinishi qabyldandy. Mundaı ótinish Senatqa da túsken edi, ol qanaǵattandyryldy.
«О́zbekstan Respýblıkasy Konstıtýsııasynyń 98-babyna sáıkes, О́zbekstannyń mınıstrler kabıneti jańa saılanǵan Olıı Majlıske ókildigin toqtatatyny týraly ótinish bildirdi. О́zbekstan Respýblıkasynyń Olıı Majlısiniń zań shyǵarýshy palatasy sáıkes qaýlyny qabyldady», - dep atap ótti Parlamenttiń baspasóz qyzmetinen.
Baspasóz qyzmeti konstıtýsııaǵa sáıkes, Úkimet kabmınniń jańa quramy qurylǵanǵa deıin óz jumysyn jalǵastyratynyn naqtylady. Sonymen qatar Parlament 21 qańtarda ótetin eki palatanyń birlesken otyrysynda jańa Premerdiń kandıdatýrasyn qaraıdy, - dep habarlady zań shyǵarý palatasynyń baspasóz qyzmeti.
Eske salaıyq, О́zbekstan konstıtýsııasyna sáıkes, Premerdiń kandıdatýrasyn Parlamenttiń zań shyǵarýshy (tómengi) palatasynda eń kóp depýtattyq oryn jınaǵan partııa usynady. 2019 jyldyń 22 jeltoqsanynda bolǵan saılaý qorytyndysy boıynsha О́zbekstan lıberaldyq-demokratııalyq partııasy eń kóp oryn - 53 depýtattyq oryn aldy.
