Rýhanııat • 21 Qańtar, 2020

Qaraǵandy oblysynda qandaı eldi mekender men nysandar Abaı esimin ıelengen?

299 ret kórsetildi

Memleket basshysy Qasym-Jomart Toqaev Azııa qalamgerleriniń birinshi forýmynda sóılegen sózinde «Abaı shyǵarmalary – adamzatqa ortaq rýhanı jaýharlar» dep tól ádebıetimizdiń asqar shyńǵa shyǵýy uly oıshyl Abaıdyń danalyq bolmysymen tyǵyz baılanysty ekendigin atap ótken bolatyn.

Bıyl qazaqtyń bas aqyny, oıshyl, fılosof, aýdarmashy, kompozıtor, ǵulama ǵalym, kemeńger tulǵa Abaı Quananbaıulynyń 175 jyldyq mereıtoıy. Osy oraıda, Uly aqynnyń naǵashy jurty sanalatyn Qaraǵandy oblysyndaǵy Abaı esimin ıelengen eldi mekender men nysandarǵa taǵy bir márte sholý jasaı ketkendi jón kórdik.

Oblys ortalyǵyndaǵy Buqar jyraý dańǵyly boıynda ornalasqan «Qaraǵandy oblystyq balalar kitaphanasyna» 1954 jyly Abaı esimi berilgen. Sol jyly Qarqaraly aýdanynda Abaı selolyq okrýgi paıda boldy. Oblystaǵy Abaı qalasynda 1969 jyly «Abaı atyndaǵy tigin fabrıkasy» qurylǵan. 1973 jyly óńirde Abaı atyndaǵy aýdan quryldy. 1974 jyly kenshiler astanasyndaǵy «Shalqyma» konsert zalynyń aldynda Abaı Qunanbaevqa eskertkish qoıyldy. Sonymen qatar, osy jyly Abaı aýdanynyń «Abai-aqiqat» gazeti jaryqqa shyǵa bastady. 1985 jyly Aqtoǵaı aýdanyndaǵy Abaı Qunanbaev aýylynda hákimge eskertkishi ornatyldy. 1997 jyldan bastap Abaı qalasy Abaı aýdanynyń ortalyǵy bolyp quryldy.

Budan bólek, oblysta kemeńger aqyn atyndaǵy kóptegen nysandar bar. Mysaly, Abaı qalasynyń basty kóshesine Abaı esimi berilgen. Abaı atyndaǵy ádebı-memorıaldyq murajaı bar. Abaı qalasynda «Abaı jáne Kalının» atyndaǵy shahta jumys istedi. Abaı qalasynda aqynnyń esimimen kóshe ataldy. Aqtoǵaı aýdanynda Abaı Qunanbaev atynda aýyl bar. Abaı aýdanyndaǵy Topar aýylynda Abaıdyń esimin ıelengen mektep bar. Oblystaǵy Sátbaev qalasynda Abaı atyndaǵy №4 mektep-lıseı jumys isteıdi. Abaı qalasynda Abaı atyndaǵy №5 mektep-gımnazııa bar. Shet aýdanyndaǵy Jumysker aýylyndaǵy orta mektep Abaı Qunanbaev esimin ıelik etken. Aqtoǵaı aýdanyndaǵy Abaı aýylynda Abaı atyndaǵy negizgi orta mektep bar. Nura aýdanyndaǵy Shubarkól aýylyndaǵy mektep te Abaı esimimen atalady. Qarqaraly aýdanyndaǵy  Abaı selolyq okrýginiń mektebine qazaqtyń betke ustar aqynynyń esimi berilgen. 2019 jyly Qarqaraly qalasynda Qunanbaı qajy men bala Abaıǵa eskertkish qoıyldy.  Al kúni keshe Qaraǵandy kósheleriniń ataýlaryn ózgertý jónindegi kópshilik tyńdaýda qala turǵyndary oblys ortalyǵyndaǵy Lenın kóshesin Abaı esimimen ataýǵa bir kisideı daýys berdi.

 

Gúldana JARKEEVA,

N.Gogol atyndaǵy oblystyq ámbebap ǵylymı kitaphanasynyń merzimdi basylymdar jónindegi qyzmetkeri

 

QARAǴANDY

Sońǵy jańalyqtar

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Uqsas jańalyqtar