Top ishinde belgili qoǵam qaıratkerleri Asylbek Qojahmetov, Ajar Jandosova, jýrnalıst Sergeı Ponomarev, pıanıst Jánııa Áýbákirova bolǵan.
Endi bul ıgi shara dástúrge aınalatyn bolyp, bıyl da qaraǵandylyq bir top belsendi muz qatqan Balqash kóliniń ústimen júrip ótpekshi. «Uly Balqash shaqyrady!» dep atalatyn ekinshi muz ótkeli aksııasy aqpan aıynyń 14-15 kúnderi ótedi dep josparlanǵan. Shara baǵdarlamasynyń aıasynda «Forsaıt-áńgimelesýler: adam jáne qoǵam 2035» zııatkerlik jattyǵýlary, HHI ǵasyrdyń ekologııasy, densaýlyq jáne uzaq ómir súrý, kásipkerlik taqyryptaryna arnalǵan sheberlik sabaqtary qarastyrylǵan.
Aksııa barysynda «Qazaqstannyń MMA aralas jekpe-jek boıynsha birikken federasııasy» RQB bas dırektory Ýálıhan Ten, MVA AlmaU baǵdarlamasynyń túlegi, «Taksısten mıllıonerge deıin» kitabynyń avtory, tenderbot.kz jáne taxi.kz portaldarynyń negizin qalaýshy Tımýr Qudaıbergenov jáne jýrnalıst-ekolog, Almaty qalalyq qoǵamdyq keńesiniń múshesi Sergeı Ponomarev spıkerlik etedi.
