Aımaqtar • 22 Qańtar, 2020

Azamattarǵa arnalǵan úkimet «Qaltadaǵy HQO» qaǵıdasyn qoldanady

102 ret kórsetildi

Búgin Almatyda «Azamattarǵa arnalǵan úkimet» memlekettik korporasııasy Almaty qalasy fılıalynyń sıfrlandyrý baǵytyndaǵy jumystary men 2019 jyl qorytyndysy» taqyrybynda baspasóz brıfıngi ótti.

2019 jyl «Azamattarǵa arnalǵan úkimet» memlekettik korporasııasynyń Almatydaǵy fılıaly úshin jemisti boldy.

Brıfıngke «Azamattarǵa arnalǵan úkimet» memlekettik korporasııasynyń Almaty qalalyq fılıalynyń dırektory Danııar Qyryqbaev, Qazaqstannyń Eńbek sińirgen sport sheberi, qazaqtan shyqqan tuńǵysh Olımpıada chempıony, mesenat, Almatydaǵy №6 mamandandyrylǵyn HQO-ny halyq ıgiligine usynýshy Jaqsylyq Úshkempirov, «Azamattarǵa arnalǵan úkimet» memlekettik korporasııasy Almaty qalalyq fılıalynyń jetekshileri Aınur Uıqaspaeva, Farıda Bokıjanova, Jarqyn О́tegenov pen ál-Farabı atyndaǵy QazUÝ «Keremet» stýdentterge qyzmet kórsetý ortalyǵynyń dırektory Saıran Baıandınova qatysty.

–Sıfrlyq qyzmetterdi nasıhattaýdaǵy jumysymyzdy qala turǵyndary da qoldap otyr. Úlken kompanııalar, uıymdar men mekemeler, JOO, kolledjder basshylary, tanymal tulǵalar bizden sıfrlyq qyzmetterdi ózderi úırenip, ári qaraı ózgelerge úıretýdi jalǵastyrýda. Elimizdiń  sıfrlaný deńgeıi qansha mobıldik qosymshalardyń bar-joǵyna nemese qansha qyzmet elektrondyq formatqa kóshirilgenine ǵana emes, sondaı-aq qazaqstandyqtardyń qanshalyqty sıfrlyq saýatty bolǵanyna da baılanysty. Sondyqtan «Azamattarǵa arnalǵan úkimet» memlekettik korporasııasy Almaty qalalyq fılıaly óz qyzmetin turǵyndardyń sıfrlyq daǵdylaryn arttyrý jumystarymen baılanystyra júrgizýde. Bul baǵytta 2019 jyldyń 12 aıynda 1,5 mıllıonnan asa adamdy qamtyǵan 800-ge jýyq sharalar uıymdastyryldy, deıdi fılıal dırektory Danııar Qyryqbaev.

Fılıaldyń ál-Farabı atyndaǵy QazUÝ-den bastaý alǵan «Sıfrlan, trendte bol!» aksııasy arqyly, Almaty qalasynyń mekemeleri men uıymdarynda, saýda ortalyqtarynda, JOO-lar men kolledjderde, mektepterde 342 aqparattyq-túsindirý sharalary, 284 leksııa, 56 semınar ótkizildi, 10-ǵa jýyq mekemeler men oqý oryndarynda sıfrlyq qyzmet alý buryshtary ashyldy.

HQO mamandary qyzmet alýshylardyń telefondaryna telegram jáne Mgov qosymshalaryn ornatýǵa kómektesedi, túrli anyqtamalar men qyzmetterdi alý tártibin túsindiredi. Qazirgi ýaqytta telegram-bot (@EgovKzBot) arqyly memlekettik qyzmettiń 25 túri, mGov.kz mobıldi qosymshasy arqyly bilim berý, otbasy, jyljymaıtyn múlik, densaýlyq saqtaý jáne t. b. salalarynda 90-ǵa jýyq memlekettik qyzmet qoljetimdi.

2019 jyly «Azamattarǵa arnalǵan úkimet» memlekettik korporasııasy Almatydaǵy fılıaly kórsetken 3 992 218 qyzmettiń 1 281 597-i elektrondyq formatta boldy. «Connectionpoint» ózine-ózi qyzmet kórsetý sektory arqyly 2 999 808 qyzmet alynyp, 2 851 437 konsýltasııa berildi. Osylaısha, ótken jylmen (1588502qyzmet) salystyrǵanda óz betinshe qyzmet alatyndar sany 88,9% - ǵa artty.

Qazirgi ýaqytta tizilimde bar 723 memlekettik qyzmettiń 580-i elektrondyq formatta qoljetimdi. «Azamattarǵa arnalǵan úkimet» memlekettik korporasııasy arqyly 648 memlekettik qyzmet qoljetimdi desek, onyń ishinde fılıaldyń maıdan-keńseleri men bek-ofısteriniń kórsetip otyrǵan qyzmetterin aıta alamyz.

Almaty qalasyndaǵy Mamandandyrylǵan HQO-lar ótken jyly 799 819 (KQT -665 262, JK -106 060) qyzmet kórsetse, Mıgrasııalyq HQO bólimi 173 583 qyzmet kórsetti. Onyń 113 021-i ýaqytsha, 60 562-i eńbek sharty boıynsha tirkelgen sheteldikter boldy. Ortalyqtyń jumys tájirıbesi TMD elderine úlgi bolýda.

Sonymen qatar ótken jyly áleýmettik tólemderdiń vedomstvoaralyq esepteý baǵyty boıynsha 250 052, jyljymaıtyn múlikti memlekettik tirkeý boıynsha - 486 469, jyljymaıtyn múlikti tehnıkalyq zertteý jelisi boıynsha 38 799, jer kadastry jelisi boıynsha 22 286 qyzmet kórsetilgenin atap ótkenimiz jón.

Qazir Azamattarǵa arnalǵan úkimet «Qaltadaǵy HQO» qaǵıdaty boıynsha áreket etedi. Eń bastysy, memlekettik qyzmetterdi jyldam alýǵa kómektesedi.

Sońǵy jańalyqtar

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Uqsas jańalyqtar