Jolaýshylar jyljymaly quramyn paıdalaný kezinde vagondardy kúrdeli jóndeýden ótkizý kózdelgen. Eski vagonnan jóndeý kezinde tutas metall shanaq pen arba ramasy ǵana qalady. Qalǵan bólshekteri tolyqtaı jańartylady.
Belorýssııada kúrdeli jumystan ótken jolaýshylar vagondary tolyqtaı jańartylyp, kýpe vagonynan plaskart vagony jasaqtalǵan. Vagon ishinde endi beınebaqylaý, kondısıoner júıesi, árbir jolaýshynyń otyratyn orynynda 220V rozetka, jolserikti shaqyrýǵa arnalǵan sıgnaldyq túımeshek, taza sý kýleri, tońazatqysh pen qysqa tolqyndy pesh ornatylǵan.
Kompanııanyń Damý Strategııasynyń mańyzdy baǵyttarynyń biri - jolaýshylar vagondarynyń tapshylyǵyn sheshý bolyp tabylady. Onda vagondardyń sanyna ǵana emes, sapasyna da kóńil bólinedi. Qazirgi ýaqytta eski vagondardy jóndeý kestesi ázirlengen. Vagon parkin kezeń-kezeńmen jańartý boıynsha jumystar júrgizilýde. Jyl saıyn vagondar 100 birlikke deıin jańaratyn bolady.
Jalpy 2016-2019 jyldar aralyǵynda 269 vagon satyp alyndy. Onyń ishinde ótken jyly «Tulpar» JShS vagon jasaý zaýytynyń reseı tehnologııasy boıynsha qurastyrylǵan 91 jańa vagony bar. 2020 jyly «Tulpar» JShS-nen 118 vagon satyp alý josparlanýda. Onyń 18 birligi - 2020 jyldyń 1 toqsanynda, al qalǵan 100 birligi 2020 jyldyń 4 – shi toqsanynda. Sondaı-aq qyzmet kórsetý merzimin uzartý úshin 85 vagondy kúrdeli-jóndeýden ótkizý josparlanyp otyr.
Qazirgi ýaqytta ulttyq tasymaldaýshynyń vagon parki 2200-den astam birlikti quraıdy, onyń ishinde «Tulpar – Talgo» vagondary - 670 birlik.
