NASA mamandarynyń baǵalaýynsha, Aýstralııany qyzyl jalynǵa oraǵan apattyń saldarynan atmosferaǵa taraǵan óte úlken kólemdegi tútin men ys planetanyń aýa qabatyna da orasan zııanyn tıgizbek. Qazirgi kezde qurlyq aýmaǵynda júzge jýyq jalyn oshaǵy bar. Dúnıejúzilik jabaıy tabıǵat qorynyń resmı málimeti boıynsha, órt koalanyń úshten birin jáne Aýstralııaǵa tán endemıktiń 13 túrin joıyp jibergen eken.
Jel ystyń taralý aýmaǵyn alys qashyqtyqtarǵa jetkizdi. Máselen, Melbýrnde aýanyń lastanýy qaýipti deńgeıge jetti, birqatar shtatta tótenshe jaǵdaı rejimi engizildi.
Mamandardyń esebi boıynsha, tilsiz jaý kúzden beri 10 mıllıon gektar orman alqabyn typ-tıpyl etken kórinedi. Iаǵnı, Aýstralııanyń báz-baıaǵy jap-jasyl jazıraly kúıine kelýi úshin baqandaı bir ǵasyr kerek bolýy múmkin ekenin ekologtar da, ǵalymdar da joqqa shyǵarmaıdy. «Apat aıtyp kelmeıdi» degen osy.
