Sonymen birge atalǵan mádenı shara aıasynda Káripbektiń «Shyn júregimmen quttyqtaımyn» atty kitap-albomynyń tusaýkeser rásimi uıymdastyryldy.
Úsh bólimnen turatyn jańa týyndyda Káripbektiń ómiri men shyǵarmashylyǵy jan-jaqty qamtylǵan. Birinshi bólimde onyń ár jyldary salynǵan 100 kartınasy ónertanýshylyq taldaý materıaldarymen qosa kórinis tapsa, ekinshi bólim tutastaı Qazaqstannyń ıadrolyq qarýsyz bolashaqqa qarsy kúrestegi qyzmetine arnalǵan. Al sońǵy bólimde antııadrolyq qozǵalys belsendisi qatysqan barlyq halyqaralyq forým, onyń jumystary usynylǵan kórmeler týrasyndaǵy maǵlumattar toptastyrylypty.
«Kitapta Káripbektiń balalyq shaǵy týraly materıaldar jáne onyń ómirbaıanynan alynǵan derekter bar. Týyndy sýretshiniń «Káripbek Kúıikovtiń ómir súrý erejeleri» atty suhbatynyń toptamasymen túıindeledi. Bul kitap tórt aı ishinde qurastyryldy», deıdi oblystyq beıneleý óneri murajaıy basshysynyń orynbasary Aleksandr Geht.
«Rýhanı jańǵyrý» jobasy aıasynda jaryq kórgen «Shyn júregimmen quttyqtaımyn» kitap-albomy jobasyna murajaı dırektory Bıbigúl Qudabaevanyń jetekshilik etkenin aıta ketken lázim. Sondaı-aq bul sharapatty iske ónertanýshy Natalıa Ivanına, aýdarmashy Daıana Ysqaqova, dızaıner Balaýsa Týralyqova da mol úles qosqan.
QARAǴANDY
