Al, turmystyq zorlyq-zombylyq faktileriniń kóbi jumyssyz júrgenderdiń áreketinen, ishimdik saldarynan oryn alǵan.
О́ńirde profılaktıkalyq sharalar aýqymdy túrde júrgizilgenimen, másele áli de ózekti.
Oblys ortalyǵynda Qamzın kóshesi, 20-úı mekenjaıynda ornalasqan «Analar men balalardy qorǵaý ortalyǵy» ashylǵan.
Qazir ortalyqta otbasy kıkiljińinen keıin balalarymen birge 20 áıel turaqtaýda. Al, otbasynda qorlyq kórgen áıelder úshin polısııanyń kóp arnaly «102» nómiri men 87057072879 uıaly telefony úzdiksiz jumys isteıdi.
Polısııa málimetinshe, dúısenbi-juma aralyǵynda jedel qyzmet kórsetý ortalyǵyna 5-6 shaqyrtý tússe, demalys kúnderi qońyraýlar sany 10-15-ke artady eken. Qalalyq polısııa basqarmasynyń ókilderi analar men balalardy beıimdeý ortalyǵynyń múshelerimen birlesip, túrli sharalar uıymdastyrady. Bul rette 8-11-synyptar arasynda otbasylyq qundylyqtarǵa baılanysty saýalnama júrgizilip, trenıngter, semınarlar ótkiziledi.
Mektepterde «Dóńgelek ústelder» uıymdastyrylyp, «Otbasyndaǵy zorlyq-zombylyqqa jol joq!» taqyrybynda ata-analar jınalysy ótkizilip, senim telefony jazylǵan býkletter taratyldy.
Shara aıasynda jergilikti polısııa qyzmetkerleriniń kómegimen 23 adamǵa Ákimshilik quqyq-buzýshylyq Kodeksiniń 73-babyna sáıkes, qorǵaý nusqamasy berildi. Qalalyq sottyń kómegimen otbasylardyń arasynda 38 kezdesý ótkizilip, 27 otbasy qaıta tabysty. Departamenttiń málimetinshe,polısııa ókilderi bıylǵy jyldyń alǵashqy kúnderi turmysy tómen 42 otbasyny aralaǵan. Tekserý nátıjesinde ata-ana quqyǵyn durys saqtamaǵany úshin 5 adam ákimshilik jaýapkershilikke tartylǵan.
