Ýra! Ońtústik Qazaqstan oblysynda mıllıondyq mejege de qol jetti. Áńgime ústimizdegi jyly oblystyń alqaptarynan jınalyp alynǵan kókónis, kartop jáne baqsha daqyldary sekildi aýyl sharýashylyǵy ónimderi týraly bolyp otyr. Munyń jaıyn «Iýjnyı Kazahstan» gazeti habarlap, jurtshylyqtan súıinshi surady.
Ultty uıystyrǵan ujmaqty ólkedegi osynaý orasan zor eginshilik tabysyna Saryaǵash aýdany dıqandarynyń qosqan úlesteri bárinen de kóp boldy. Munda qazirge deıin 140 myń tonnadan astam ónim jınalyp otyr. Al qaýyn men qarbyzdy kóbirek óndirgen óńirlerdiń kóshin maqtaǵa baı Maqtaaral aýdanynyń baqshashylary bastady. Munda 266 myń tonna atalmysh ónim satýǵa jóneltildi. Bulardyń sońyn 143 myń tonnalyq kórsetkishpen Shardara aýdany alyp keledi.
Oblystyń aýyl sharýashylyǵy basqarmasyndaǵylar aýyl sharýashylyǵy daqyldarynan alynatyn ónimniń aldaǵy ýaqyttarda budan da arta túsetinin jetkizip otyr.
Sultan Bozaıǵyr.
