El Prezıdenti Q.Toqaev qazaqtyń asar dástúri volonterlyqpen úndesetinin, sol sebepti aǵymdaǵy jyly qaıyrymdylyq jasaýdy zamanǵa saı jańǵyrtý qajet ekenin málimdegen bolatyn. Osyǵan oraı Shymkent qalasynyń bir top belsendileri qaırymdylyq aksııasy aıasynda kómekke muqtaj 50 otbasyǵa azyq-túlik sebetterin taratty.
Naqtyraq aıtsaq, turmystyq kóp tutynatyn un, qant, aq maı, makaron, grechka, shaı, pechene, táttiler men áleýmettik az qamtylǵan otbasylardyń balalaryna demeýshilerdiń kómegimen kıim-keshek berildi.
Aıta óteıik, alǵashqy «Janǵa jylý» qaıyrymdylyq aksııasyna at salysqandar qatarynda kásipkerler, erikti jastar, qalalyq jastar máslıhatynyń músheleri men tanymal óner juldyzdary bar. Shymkent qalasy otbasy, balalar jáne jastar isteri jónindegi basqarmasynyń basshysy J.Qaltaev, Jastar resýrstyq ortalyǵynyń basshysy B.Moldabekov, «Bal Tekstil» kilem fabrıkasynyń quryltaıshysy Baǵdat Talǵatuly, Juldyz Namaz «The voice Kz» án baıqaýynyń fınalısti jáne «Sulu models» modeldik agenttigi ókilderi men ózge de qoǵam belsendileri, erikti jastar birlesip qaırymdy iske belsene kiristi.
