Foto: Pixabay
Oqıǵa orny jáne aýa raıy
Búgin saǵat 10:15 shamasynda 148-shaqyrymda, Qaraǵandy baǵytynda (148-shaqyrym tusynda) Oshaǵandy mańynda jol-kólik oqıǵasy boldy. Oqıǵa mezetinde jol ýchaskesinde qolaısyz aýa raıy – qardyń uıytqyp jaýýy, boran, ekpindi jel jáne kóriný deńgeıiniń tómendeýi baıqalǵan.
Bul jol ýchaskesinde qozǵalysqa birqatar shekteý aldyn ala engizilgen bolatyn:
− Saǵat 08:30-da Qaraǵandy oblysy Polısııa departamentinen ruqsat etilgen jyldamdyq 110 km/saǵattan 80 km/saǵatqa deıin tómendetý týraly nusqama tústi, ol saǵat 09:00-den bastap kúshine endi.
− Aqmola oblysy aýmaǵynda aýa raıynyń kúrt nasharlaýyna baılanysty barlyq kólik quraldarynyń qozǵalysyna ýaqytsha shekteý engizildi.
− Qaraǵandy oblysynda aýa raıynyń nasharlaýy shamamen saǵat 10:00-de baıqala bastady.
Jol qyzmetteriniń áreketi
Oqıǵa bolǵan kezde JPÝ-89 jol paıdalaný ýchaskesiniń patrýldik tehnıkasy aldyn ala qaýipsizdikti qamtamasyz etý úshin kezekshilikte turǵan.
Qazirgi ýaqytta jol boıyndaǵy qozǵalysty qalpyna keltirý jáne qaýipsizdikti saqtaý úshin JPÝ-89 mekemesiniń 11 birlik arnaıy tehnıkasy jumyldyrylǵan:
− 7 birlik keshendi jol mashınasy
− 2 birlik jol jóndeý qyzmetiniń tehnıkasy
− 1 júk tıegish
− 1 MTZ traktory
Jol qyzmetteri jol-kólik oqıǵasynyń saldaryn joıý jáne jol boıynda qaýipsiz ári úzdiksiz qozǵalysty qamtamasyz etý baǵytynda jumystaryn belsendi júrgizip jatyr.
