Qylmysy dáleldengen 2377 adam sottalyp, onyń ishinde 583 tulǵany bas bostandyǵynan aıyrý týraly sheshim shyqqan eken. Qýanyshtysy, bul kórsetkish burnaǵy kezeńge qaraǵanda azaıypty. 2018 jyly 4741 tulǵaǵa qatysty 4105 qylmystyq is qozǵalyp, 2511 adam sottalypty. Iаǵnı, qylmystyq is boıynsha túsken shaǵym 16 paıyzǵa azaıyp otyr. Sondaı-aq ótken jyly qylmysty is boıynsha buryn jazalanǵan 25 adam sot sheshimen aqtalypty. Al medıasııa tártibimen 290 is qysqartylǵan.
Budan bólek, byltyr aýdandyq jáne oǵan teńestirilgen sottarǵa 24 150 ákimshilik is qozǵaý týraly shaǵym túsip, zańǵa sáıkes qaraýǵa jatatyn 23 788 is boıynsha sheshim shyqqan. Iаǵnı, 23 799 adam ákimshilik jolmen jazalanǵan. Osy merzimde oblystyq deńgeıdegi sottar da 2229 azamattyq is pen 45 580 aryzdy qarap, barlyǵy 47 809 ákimshilik quqyq buzýshylyqqa oraı sheshim qabyldanypty. Jáne sot medıasııasynyń dáneker bolýymen ózara daýlasqan 2640 adam tatýlasqan eken.
