Aımaqtar • 28 Qańtar, 2020

Aqmola oblysynda bos jatqan 1,5 mıllıon gektar jer anyqtaldy

65 ret kórsetildi

Memleket basshysy Qasym-Jomart Toqaev Qazaqstan halqyna arnaǵan Joldaýynda agroónerkásiptik keshenge erekshe kóńil bóldi. El Úkimetine salany odan ári damytý boıynsha naqty tapsyrmalar berildi.

Búgingi tańda Aqmola oblysy aýmaǵynda aýyl sharýashylyǵy maqsatyndaǵy 1,5 mıllıon gektarǵa jýyq jerdiń paıdalanylmaı jatqany anyqtalyp otyr. Jergilikti atqarýshy organ ókilderi bul baǵytta sharýalarmen jalǵa alý týraly kelisimsharttardy buzý, jerdi memleketke qaıtarý sııaqty sharalardy qolǵa alyp jatyr. Nátıjesinde 730 myń gektar jerdi aınalymǵa qosý boıynsha jumys júrgizilýde.

– Qalǵan 775 myń gektar jerdi maqsatty paıdalaný boıynsha jazbasha eskertýler jiberildi. Aǵymdaǵy jyly olarǵa baqylaý júrgizip, tekseretin bolamyz. Talapty oryndamasa, memleket menshigine qaıtarý boıynsha tıisti sharalardy qolǵa alamyz, – deıdi oblystyq Jerdiń paıdalanylýy men qorǵalýyn baqylaý basqarmasynyń basshysy Erǵalı Shorın.

Aýyl sharýashylyǵy salasyna sandyq tehnologııalardy engizý jumystary da oblysta júıeli túrde júrgizilýde. Qazirde egistik pen kópjyldyq shópter ósetin jerler tolyq sıfrlandyryldy. Al shabyndyq jáne jaıylymdyq jerlerdi sandyq júıege kóshirý jumystary aıaqtalýǵa shaq qaldy.

– Búginde jaıylymdyq jerlerdi sıfrlandyrý jumysyn 2407 jer ıesi júrgizdi. Iаǵnı, 4 mıllıon gektar jer sandyq júıege kóshirildi. Bul - jospardyń 89 paıyzy. Al shabyndyq jerlerdiń 148 myń gektary sıfrlandyryldy. Bul baǵyttaǵy jumystar áli de jalǵasyn tabady, – deıdi oblystyq Aýyl sharýashylyǵy basqarmasynyń qyzmetkeri Valerıı Lıtovchenko.

Aýyl sharýashylyq jerlerin sıfrlandyrý arqyly sharýalar ósimdik sharýashylyǵy salasyndaǵy túrli sýbsıdııalaý baǵdarlamalaryna qatysý múmkindigine ıe bolady. Sebebi, ótken jyldyń basynan sýbsıdııa alýǵa ótinish tek elektrondy formatta qabyldanady. Al bul óz kezeginde jerdiń aqparattyq júıede tirkelýin talap etedi.

Sońǵy jańalyqtar

Taraz qalasynda 135 otbasy baspanaly boldy

Aımaqtar • Búgin, 16:28

Jansaı Smaǵulov júldege talasady

Sport • Búgin, 15:43

Eldos Smetov kúmis aldy

Sport • Búgin, 13:03

«Qaırat» – qola júldeger

Aımaqtar • Búgin, 09:39

Teńiz kenishinde 5 avtobýs otqa orandy

Aımaqtar • Búgin, 09:27

Medbıkeniń munysy ne?

Aımaqtar • Keshe

Dollar arzandap keledi

Ekonomıka • Keshe

Uqsas jańalyqtar