Jeksenbi kúni fýtboldan Qazaqstan chempıonatynyń kezekti týry ótti.
Komandalar Premer-lıgada 22 oıyn ótkizip, birinshi kezeńdi aıaqtady. Ázirge 22 týrdan keıin «Aqtóbe» komandasy týrnır kestesinde kósh bastap keledi. Osy týrda komanda 47 upaımen ekinshi oryndaǵy «Astanadan» artyq 6 upaı jınap, birinshi kezeńniń úzdigi bolyp tanyldy. Bul kezdesýge Vladımır Nıkıtenko negizgi quramdy shyǵarǵan joq. Komandanyń negizgi quramy
Jeksenbi kúni fýtboldan Qazaqstan chempıonatynyń kezekti týry ótti.
Komandalar Premer-lıgada 22 oıyn ótkizip, birinshi kezeńdi aıaqtady. Ázirge 22 týrdan keıin «Aqtóbe» komandasy týrnır kestesinde kósh bastap keledi. Osy týrda komanda 47 upaımen ekinshi oryndaǵy «Astanadan» artyq 6 upaı jınap, birinshi kezeńniń úzdigi bolyp tanyldy. Bul kezdesýge Vladımır Nıkıtenko negizgi quramdy shyǵarǵan joq. Komandanyń negizgi quramy
Eýropa lıgasynyń úshinshi irikteý kezeńiniń ekinshi matchyna daıyndalýda. Osy týrda «Astana» óz alańynda «Tobyldy» 2:1 esebimen utty. Nóserbaev pen Nurdáýletovtyń goldary arqasynda «Astananyń» birinshi aınalymdaǵy soqqan doptary sany 35-ke jetti. Qazir ol osy kezeńde eń kóp soqqan komanda bolyp otyr. Al «Aqtóbe» eń az gol jibergen komanda. Qazirge deıin Sıdelnıkov bar-joǵy 12 gol jiberipti.
22 týrda «Atyraý» «Tarazdy» 3:1 esebimen jeńdi. Taldyqorǵanda «Jetisý» men Almatynyń «Qaıraty» 0:0 esebimen teń tarqasty. Pavlodarda «Ertis» Shymkenttiń «Ordabasysyn» 2:0 etip utty.
Endi komandalar ekinshi kezeńde 1-6 jáne 7-12 oryndar alǵan klýbtar bolyp bir-birimen taǵy kezdesedi. Osy kezeńde alǵashqy altylyq ózara júldeli oryndarǵa talassa, jetiden tómen oryn alǵandar kelesi maýsymda Premer-lıgada qalý úshin kúsh synasady. Ashyǵyn aıtý kerek, qazir gollandııalyq Arno Paıpers jattyqtyratyn «Taraz» ben «Aqjaıyqtyń» jaǵdaıy máz emes. Olar 11 jáne 12 oryndarda tur.
Taǵy aıtatyn nárse, ekinshi kezeńde komandalardyń upaıy eki esege qysqarady da, olar sol qalpynda chempıonatty jalǵastyrady. Máselen, «Aqtóbe» birinshi kezeńde 47 upaı jınady. Ekinshi kezeńde upaıy eki ese qysqarady da, týrnırdi 24 upaımen bastaıdy. Al 30 upaı jınaǵan «Ordabasynyń» upaıy eki ese qysqarǵanda, 15 bolady. Sóıtip, ekinshi kezeń 6 qarashaǵa deıin jalǵasady. Qazaqstan chempıony kelesi jyly el namysyn Chempıondar lıgasynda qorǵaıdy. Ekinshi jáne úshinshi oryn alǵan komandalar jáne el kýbogyn ıelengen ujym Eýropa lıgasynda óner kórsetedi. Al týrnır kestesinde sońǵy oryn (12-oryn) alǵan komanda birden birinshi lıgaǵa ketedi. Chempıonatty 11-orynmen aıaqtaǵan ujym Premer-lıgadaǵy óz ornyn saqtap qalý úshin birinshi lıgada ekinshi oryn alǵan komandamen elektik kezdesý ótkizedi.
Dastan KENJALIN,
«Egemen Qazaqstan».
