Eske sala keteıik, buǵan deıin Memleket basshysynyń tapsyrmasymen 2019 jylǵy qarashadan bastap Nur-Sultan, Almaty, Shymkent, Aqtaý, Qaraǵandy, О́skemen, Pavlodar, Kókshetaý, Taraz, Petropavl, Semeı áýejaılarynda «Ashyq aspan» rejimi engizildi. Búgin Parlament otyrysynda Danııa Espaeva endigide bul tizimge Aqtóbe qalasynyń áýejaıyn da qosý jaıynda usynys aıtty.
- «Ashyq aspan» rejimi - sheteldik áýe kompanııalaryna oblystardaǵy iri qalalarǵa reıs jasaýǵa múmkindik beredi. Aqtóbe qalasynyń halyqaralyq áýejaıy elimizdiń batys jaqtaýynyń qaqpasy jáne iri ónerkásiptik ortalyq bolǵandyqtan bul sheshimniń mańyzy zor, - dedi Danııa Espaeva.
Onyń aıtýynsha, bul Qazaqstannyń tranzıttik áleýetin kúsheıtip, ishki áýejaılar arqyly tasymaldy arttyrýǵa zor úlesin tıgizedi.
- Qazaqstanda bul rejimniń engizilýi jańa sheteldik tasymaldaýshylardy tartýǵa, jańa halyqaralyq baǵyttardyń ashylýyna, sondaı-aq týrızmniń damýy men Aqtóbe qalasynyń halyqaralyq qarjy ortalyǵynyń kólikke qol jetimdiliginiń artýyna yqpal etedi, - dedi depýtat.
