Jańa zań óskeleń urpaq tárbıesine aralasatyn pedagog mamandar úshin qandaı múmkindikter beredi? Aldaǵy ýaqytta elimizdegi bilimniń sapasy arta ma, jergilikti jerlerde mektepter jetispeýshiligi sheshilip, materıaldyq bazasy jańara ma, alys aımaqtarǵa pedagog mamandar bara ala ma?
Mine, saýaly kóp salanyń bolashaǵyna qatysty týyndaǵan suraqtarǵa Abaı atyndaǵy Qazaq ulttyq ýnıversıtetinde bolashaq pedagog mamandarmen kezdesýinde Bilim jáne ǵylym mınıstri Ashat Aımaǵambetov jaýap berip, bilim salasyn jaqsartýǵa baǵyttalǵan keshendi jumystar barysynan habardar etip ótti.
Erkin dıalogqa qurylǵan jıynǵa Qyzdar pedagogıkalyq ýnıversıteti, Abylaıhan atyndaǵy shet tilder ýnıversıtetinen eki júzge jýyq stýdent qatysyp, ózderin tolǵandyrǵan suraqtarǵa jaýap aldy.
Suraqtardyń basym kópshiligi joǵary oqý oryndary men mektepterdegi zerthanalardyń zamanaýı talaptarǵa saı kelmeýimen, jekelegen pánderdi oqytýda kezdesetin qıyndyqtar men oqýlyqtar sapasy, dástúrli bilim berý men dýaldy oqytý júıesindegi úılesimdi-úılesimsiz tustarmen baılanysty órbidi.
Almaty
