Muhtar Tileýberdi Haıko Maaspen kezdesti

Úkimet • 29 Qańtar, 2020

Muhtar Tileýberdi Haıko Maaspen kezdesti

41 ret kórsetildi

Berlınge jumys sapary barysynda Qazaqstan Respýblıkasynyń Syrtqy ister mınıstri Muhtar Tileýberdi GFR Federaldyq Syrtqy ister mınıstri Haıko Maaspen ótken jylǵy jeltoqsanda Prezıdent Qasym-Jomart Toqaevtyń Germanııaǵa alǵashqy resmı sapary barysynda qol jetkizilgen ekijaqty ýaǵdalastyqtardy júzege asyrý boıynsha «saǵattardy teńisterý» úshin kezdesti. Taraptar, sondaı-aq aldaǵy kezdesýler men joǵary deńgeıdegi saparlardyń kúntizbelik josparyn talqylady. Bul týraly Syrtqy ister mınıstrliginiń baspasóz qyzmeti habarlady.

Egemen Qazaqstan

Germanııa SIM basshysy H. Maas Prezıdenttiń beıbit jınalystar bostandyǵy, saıası partııalardy qalyptastyrý, ólim jazasyn joıý jáne t.b. salalarda júrgizip jatqan reformalaryn joǵary baǵalady.

Sonymen qatar M. Tileýberdi GFR iri kompanııalarynyń basshylarymen birqatar ekijaqty kezdesý ótkizip, qaldyqtardy qaıta óńdeý jáne kádege jaratý, kólik-logıstıkalyq bıznesti damytý, sıfrlandyrý jáne aqparattyq tehnologııalar salasyndaǵy yntymaqtastyqty arttyrý múmkindikteri men naqty jobalardy talqylady.

Nemis bıznesmenderi Prezıdent Q. Toqaevtyń GFR-ǵa jeltoqsan aıynda jasaǵan saparynyń qorytyndysyn, olarǵa usynylǵan nemis kompanııalary úshin qoldaýdyń biregeı sharttaryn jáne Premer-Mınıstrdiń orynbasary tóraǵalyǵymen German ınvestorlarymen ózara is-qımyl jasaý úshin arnaıy jumys tobyn qurýyn jaǵymdy baǵalady. Sol kúni Qazaqstan SIM basshysy German tarapynyń shaqyrýymen qurmetti qonaq retinde German ekonomıkasy Shyǵys komıtetiniń (GEShK) jańajyldyq qabyldaýynda sóz sóıledi. Is-sharaǵa GFR, Shyǵys Eýropa jáne Ortalyq Azııa elderiniń memlekettik organdarynyń basshylary, jetekshi German kompanııalary men bıznes-qaýymdastyqtardyń basshylary qatysty.

Mınıstr M. Tileýberdi óz sózinde eki eldiń bıznes qoǵamdastyqtary arasyndaǵy iskerlik baılanystardy nyǵaıtýǵa qosqan qomaqty úlesi úshin ShKGE-ge alǵysyn bildirdi. «Biz úshin GFR - Eýroodaqtaǵy negizgi seriktes. Biz Germanııa Qazaqstanmen yntymaqtastyqqa asa mańyzdy mán beretinine qýanyshtymyz. Bizdiń elimizge Germanııanyń Ortalyq Azııamen taýar aınalymynyń 86% keledi. Qazaqstanda jumys isteıtin 900-ge jýyq nemis kompanııasy bizdiń ekonomıkany jańǵyrtý men damytýǵa eleýli úles qosýda» dep túıindedi syrtqy saıası vedomstvo basshysy.

Mınıstr nemis bıznesmenderin Qazaqstanǵa ınvestısııa salýǵa shaqyryp, qazaqstandyq naryqtyń ınvestısııalyq tartymdylyǵyn arttyratyn jáne ózara tıimdi qyzmet úshin múmkindikterdi aıtarlyqtaı keńeıtetin birqatar preferensııa men jeńildikti sharttardy atap ótti. Iskerlik toptar QR-daǵy ınvestısııalyq jobalaryn jáne qatysýyn arttyrýǵa múddeli ekendikterin bildirip, sondaı-aq, nemis jobalaryna Qazaqstan Respýblıkasynyń basshylyǵyna erekshe kóńil bólgeni úshin alǵys bildirdi.

Is-shara aıasynda M. Tileýberdi GFR Ekonomıka jáne energetıka federaldyq mınıstri Peter Altmaıermen kezdesip, ol Qazaqstan basshylyǵyna nemis bıznesine erekshe nazar aýdarǵany úshin, Germanııanyń qazaqstandyq naryqqa qatysýyn keńeıtýge jáne bizdiń elimizge jáne jalpy óńirge ınvestısııalardy arttyrýǵa ázir ekendigi úshin alǵysyn bildirdi. Ol aǵymdaǵy jyldyń maýsym aıynda DSU-nyń 12-shi mınıstrlik konferensııasyna qatysý úshin Nur-Sultan qalasyna sapar jasaýǵa daıyndyǵyn rastady.

Qazaqstan SIM basshysynyń Berlınge sapary Memleket basshysynyń 2019 jylǵy jeltoqsandaǵy resmı sapary barysynda berilgen ekijaqty ózara is-qımyldyń joǵary qarqynyn rastady.

German ekonomıkasynyń shyǵys komıteti 1952 jyly qurylǵan. Uıymnyń negizgi maqsaty - sheteldegi german bıznesin qoldaý, quqyqtyq qaýipsizdik pen normatıvtik talaptardy qamtamasyz etý, saýda jáne vızalyq kedergilerdi joıý, jalpyeýropalyq ekonomıkalyq keńistik qurý. Startap pen otbasylyq kompanııalardan bastap DAX ındeksine kiretin iri aksıonerlik qoǵamdar men TNK-ǵa deıin 200-ge jýyq túrli kásiporyndy biriktiredi.

Uıym, sarapshylardyń pikirinshe, AQSh pen QHR-dan ozyp, nemis syrtqy saýda kólemi boıynsha birinshi oryndy alatyn aımaq - Shyǵys Eýropa men Ortalyq Azııanyń 28 elinde nemis bıznesiniń múddelerin bildiredi.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz