Ol az ýaqyt ishinde qarjylyq pıramıdasyna asa iri mólsherde (57 707 177 teńge) aqsha tartyp, aýyr sanattaǵy qylmystyq quqyq buzýshylyq jasaǵan. Bul týraly oblystyq polısııa departamentiniń baspasóz qyzmeti habarlady.
Osy derek boıynsha Qazaqstan Respýblıkasy Qylmystyq kodeksiniń 217-baby 3-bóliginiń 2-tarmaǵymen sotqa deıingi tergep-tekserý amaldary júrgizildi.
Tergep-tekserý barysynda polısııa qyzmetkerleriniń kásibı biliktiligi men júıeli jumystarynyń nátıjesinde kúdiktiniń qylmystyq is-áreketi tolyq dáleldendi. Osylaısha qylmystyq is aıyptaý aktisimen sotqa joldandy. Sotta kúdikti ózi jasaǵan qylmystyq is áreketin moıyndady.
Qyzylorda qalalyq №2 sotynyń sheshimimen aıyptalýshy 1 jyl 6 aıǵa bas bostandyǵynan aıyryldy. Sonymen qatar, sot jábirlenýshilerge keltirilgen shyǵyndy zańmen belgilengen tártipte óteýdi mindettedi.
Búginde sot úkimi zańdy kúshine endi.
QYZYLORDA
