– «Kózimniń qarasy» ánin kez kelgen qazaqstandyq biledi degen oıdamyz. Estafetanyń sharttaryn oryndaý maqsatynda arnaıy daıyndyq júrgizgen joqpyz. Bizge mektep aldyna shyǵyp án aıtatyndyǵymyz habarlandy. Úzilis kezinde óleńdi bir emes, úsh ret aıtyp shyqtyq, – deıdi mekteptegi О́zin-ózi basqarý uıymynyń prezıdenti Raýan Ibragım.
Oqýshylar estafetany Qyzylorda qalasyndaǵy Nazarbaev zııatkerlik mektebine, Qaraqııa aýdany, Jetibaı kentindegi №8 jalpy bilim berý orta mektebi men Fort-Shevchenkodaǵy M.Gorkıı atyndaǵy mektep-lıseıine joldady.
– Al Aqtaýdaǵy Nazarbaev zııatkerlik mektebiniń ákimshiligi aqynnyń shyǵarmashylyǵyn nasıhattaý maqsatynda birneshe sharany ótkizýdi josparlap otyr.
– Bilim ordasynda Abaı atamyzdyń 175 jyldyǵyn toılaý maqsatynda ótkiziletin sharalardy ótken oqý jylynan beri ótkizip kelemiz. Bıyl «Adamnyń bir qyzyǵy bala degen» atty sahnalyq qoıylymdarymyzdy otbasy múshelerin qatystyryp ótkizýdi josparlap otyrmyz. Biz balamen jumys jasap qana qoımaı, onyń otbasy múshelerine de oıshyldyń shyǵarmalaryn nasıhattaýdy kózdeımiz, – deıdi mektep dırektorynyń orynbasary Altynzer Ihsanova.
Buǵan deıin óńirdegi aıtýly sharalardan tys qalmaı, áserli qoıylymdaryn, ádemi ónerlerin ortaǵa salyp júrgen zııatkerler Abaı aqynnyń mereıtoıynda belsendilik tanytatyny anyq.
Mańǵystaý oblysy
