Májilistiń bıýro otyrysy

Aldaǵy sársenbide Májilis depýtattary lotereıalar jáne lotereıa qyzmeti máselelerine qatysty zań jobasyn bi­rinshi oqylymda talqylaıdy dep kúti­lýde. Sondaı-aq ekinshi oqylymda qyl­mys­tyq jolmen alynǵan kiristerdi zańdas­tyrýǵa (jylystatýǵa) jáne terro­rızmdi qarjylandyrýǵa qarsy is-qımyl máselelerine qatysty zań jobasyn nazarǵa alady.

Osy kúni birqatar ratı­fı­ka­sııalyq qujat halyq qalaý­ly­-
larynyń nazaryna usyny­lady. Olardyń qatarynda 2006 jylǵy 6 qarashadaǵy Armenııamen Tabys pen múlikke salynatyn salyqtarǵa qatysty qosarlanǵan sa­lyq salýdy boldyrmaý jáne  salyq salýdan jaltarýǵa jol bermeý týraly úkimetaralyq konvensııa jáne oǵan Hattama sheńberinde Qazaqstan jáne Armenııa ýákiletti organdary ber­gen rezıdenttikti rastaıtyn resmı qu­jat­tardy taný tártibi týraly notalar almasý nysanyndaǵy kelisimdi ratıfıkasııalaý týraly, sonymen qatar Brazılııamen sottalǵan adamdardy berý týraly shartty ratıfıkasııalaýǵa qatysty zań jobalary bar.

Bıýro otyrysynda Qazaq­stannyń Tuńǵysh Prezıdenti – El­basy N.Á.Nazar­baevtyń 2017 jylǵy 31 qań­tar­­daǵy Jol­daýyn jáne Memle­ket bas­shysy Q.K.Toqaevtyń 2019 jylǵy 2 qyr­kúıek­tegi Joldaýyn iske asyrý sheńberinde «Qalalyq jáne aýyl­dyq mektepterdegi orta bilim berýdiń sapasy. Problemalar jáne olardy sheshý joldary» taqy­rybynda parlamenttik tyńdaý ótkizý máselesi de nazardan tys qalmady.