Islam Karımov atyndaǵy halyqaralyq áýejaıda mártebeli qonaqty О́zbekstan Respýblıkasynyń Syrtqy ister mınıstri Abdýlazız Kamılov, AQSh-tyń О́zbekstandaǵy Tótenshe jáne ókiletti elshisi Denıel Rozenblıým men ózge de resmı tulǵalar qarsy aldy.
Eki kúndik sapary barysynda AQSh Memlekettik hatshysy men О́zbekstannyń Syrtqy ister mınıstriniń arasynda ekijaqty kelissózder júrgiziledi. Maıkl Pompeo men Abdýlazız Kamılov 2018 jyldyń mamyr aıynda Vashıngtonda joǵary deńgeıde ótken ózbekstandyq-amerıkalyq sammıt barysynda qol jetkizgen kelisimderdiń júzege asyrylý barysyn talqylap, halyqaralyq jáne óńirlik ózekti máseleler boıynsha pikir almasady.
Maık Pompeo 3 aqpan kúni Tashkentte «Ortalyq Azııa – AQSh» («C5+1») formatynda ótetin mınıstrler kezdesýine qatysady.
Aıta keteıik, Qasym-Jomart Toqaev «Aqorda» rezıdensııasynda Nur-Sultan qalasyna resmı saparmen kelgen AQSh-tyń Memlekettik hatshysy Maıkl Pompeony qabyldaǵan bolatyn.
