«Biz bul sheshimdi otandastarymyzdy qaýipti dertten qorǵap qalý úshin qabyldap otyrmyz. Aldaǵy ýaqytta boıynan dert belgisi bar azamattardy elden shyǵaryp qana qoımaı, elge kelýin shekteıtin sheshimder qabyldaımyz. Reseıde koronavırýsqa qatysty jaǵdaı baqylaýda», - deıdi RF Premer-Mınıstri M. Mıshýstın.
Sondaı-aq atalǵan basylym premer M. Mıshýstın aqpan aıynyń ekinshi jartysynda Sochıde halyqaralyq ınvestısııalyq forýmdy keıinge qaldyrýǵa, Reseıdiń Qytaıǵa gýmanıtarlyq kómek jiberetinin habarlady.
Koronavırýs QHR-nyń Hýbeı provınsııasyndaǵy Ýhan qalasynan 2019 jyldyń jeltoqsan aıynda tarala bastaǵan degen boljam bar.
Búgin, 3 aqpandaǵy tańerteńgi málimetterge sáıkes, Qytaıda 2019 jyly táj vırýsyn 17,2 myń adam juqtyrǵan, onyń 361-i qaıtys bolǵan. Vırýsty juqtyrǵan 480-nen astam adam saýyǵyp, aýrýhanadan shyǵaryldy. Alaıda dárigerler saqtyq sharalaryn saqtap júrmese, qaıta juqtyrý qaýpi bar ekenin eskertedi.
О́tken aptanyń sońynda vıse-premer Tatıana Golıkova Reseıde qytaılyq koronavırýs juqtyrýdyń eki jaǵdaıy anyqtalǵanyn habarlady. Birinshisi Trans-Baıkal aýmaǵynda, ekinshisi Tıýmen oblysynda. Emdelýshilerdiń ekeýi de Qytaı azamaty.
Sondaı-aq Reseı Úkimeti azamattaryn Qytaıdaǵy Hýbeı provınsııasynan evakýasııalaı bastaıdy dep habarlandy.
Evakýasııadan keıin reseılikter 14 kúnge karantınge jiberiledi.
