Astanalyq jastar bastaǵan «Biz birgemiz» aksııasyn odan ári jalǵastyrý maqsatynda zııaly qaýym ókilderi men memlekettik qyzmetkerler Qalamgerler alleıasyn qardan tazartty.
Memleket basshysy qoldaǵan «Biz birgemiz» aksııasyna zııalylar, memlekettik qyzmetkerlerden quralǵan 100-den astam adam qatysty. Nesipbek Aıtuly, Ǵarıfolla Esim, Orazkúl Asanǵazy, Marat Ábsemetov, Amanjol Áltaev, Bekjan Ábdýálıuly syndy ǵalymdar, qoǵam qaıratkerleri jáne taǵy basqa el zııalylary Qalamgerler Alleıasyn qalyń qardan tazalaý jumystaryna qatysty. Sonymen qatar, aksııaǵa Tilderdi damytý jáne arhıv isi basqarmasy jáne oǵan qarasty «Memlekettik arhıvi» MM, «Rýhanııat» MKM-niń ujymdary da úles qosty.
«Prezıdenttiń «Biz birgemiz» degen bastamasy bizge, qala jurtshylyǵyna úlken serpin týdyrdy. Qazaq qıyshylyqta da, qýanyshta da birge bolǵan. Tabıǵat minez kórsetpeı turmaıdy. Sondyqtan jigerli jigitterimiz, jastar, aǵa býyn bastap, qalamyzdy tazalaýǵa atsalysyp jatyrmyz», - dedi belgili aqyn Nesipbek Aıtuly.
