Zań – barshaǵa ortaq

Mınıstrliktiń málim­de­ýin­she, 2014 jyldan bastap 2020 jyldyń 1 qańtaryna deıin Armenııa men Qyrǵyzstanda tirkelgen avtomobılderdi Qa­zaqstanǵa kedendik baj ben sa­lyq tólemeı kirgizý tek sol elderdiń azamattary­na ǵa­na ruqsat etilgen. Al odan ózge­le­ri barlyq kedendik jáne ýtı­lızasııalyq tólemdi, sa­lyq­­ty tólep, tirketýi kerek. Bulaı bolmaǵan jaǵdaıda el aýmaǵynan shyǵarylatyny habarlandy.

Elimizde 170 myńǵa tarta shetelden ákelingen kóliktiń bolýy, basqa da túsinbeýshilik halyq­ty alańdatty. Osy máse­lege qatysty resmı organ ókil­deri, sarapshylar, úki­met­tik emes uıym ókilderi óz pikir­le­rin bildirip, máseleni sheshýge qatysty usynystaryn da aıtty.

Derekterge súıensek, shetelden ákelingen kólikterdiń 1884 jol oqıǵasyna qatysy bar. Onyń saldarynan 132 adam qaıtys bolyp, 500-den astam adam jaraqat alǵan. 2019 jyly beınekameralar 1,1 mlrd teń­gede kólemindegi 90 myńnan astam zań buzýshylyq tirkedi. Atalynǵan avtokólikterdiń qazaqstandyq tirkeýi bolma­ǵan­dyqtan, salynǵan aıyp­pul­dardy tóletý múmkin emes.

Úkimettiń keńeıtilgen otyrysynda osy máselege qatysty Prezıdent óz oıyn bildirip, Bas prokýratýraǵa «Máseleni sheshý úshin Úkimet bir aı ishinde bir rettik tártippen 2020 jyldyń 1 aqpanyndaǵy jaǵdaı boıynsha Qazaqstan azamattarynyń EEO-dan jeke paıdalaný úshin ákelingen avto­kól­ikterdi ýaqytsha tirkeýdi qamtamasyz etýi kerek», dep tapsyrma berdi.

Bul sheshim Prezıdenttiń qoǵamdaǵy túıtkil máselelerdi árdaıym nazarynda ustaı­ty­nyn kórsetti. О́ıtkeni kó­likterdi qazaqstandyq tir­keý­den ótkizý nemese shetelge qaı­ta­rýǵa bir jyl merzim be­ril­ýi avtokólik ıeleri úshin úl­ken múmkindik.

Almas ARZYQULOV,

Prezıdent janyndaǵy Qazaqstan Strategııalyq zertteýler ınstıtýtynyń jetekshi ǵylymı qyzmetkeri