Taraptar ózara yntymaqtastyq týraly memorandýmǵa qol qoıdy. Jalpy kásipodaqtar uıymynyń usynystaryn partııanyń Parlamenttegi fraksııasy árkez qoldap otyrady. Mysaly, kásipodaq ókilderi «Pedagog mártebesi týraly» zań jobasyna 25 usynys berse, onyń 14-i maquldanǵan. Áleýmettik eńbek salasynda birlesip sheshetin másele áli de jetkilikti.
Onyń bastysy – eńbek daýlarynyń aldyn alý. Osy oraıda tatýlastyrý ortalyqtarynda quqyqtyq keńes berý qyzmetin ashý týraly ýaǵdalastyq jasaldy. Byltyr kásipodaq uıymdary 1700 medıasııalyq rásim ótkizip, 1500 eńbek daýyn sheshken. 2019 jyly eńbek zańnamalarynyń buzylýyna qatysty 17 myńnan astam shaǵym túsken eken. Onyń 11 myńy boıynsha naqty kómek kórsetilgen.
