Aýdanda 400 myńǵa jýyq mal basy ósirilýde. 2018 jylmen salystyrǵanda múıizdi iri qara, jylqy men túıe sany ósken. Oblys basshysy Sozaq aýdanynda túıe sharýashylyǵyn damytýǵa qatysty birqatar mindet júktedi.
«Túıe sharýashylyǵyn damytýǵa aýdannyń tabıǵaty qolaıly, sondyqtan osy kásipti myqtap qolǵa alý kerek. Bul máseleni durys jolǵa qoıyp, ishki naryqty qamtýǵa qaýqar jetedi, dep oılaımyn», - dedi О́mirzaq Estaıuly.
2019 jyly Sozaq aýdany jergilikti bıýdjetke 6 mlrd teńge qarjy túsirip, jospardy artyǵymen oryndaǵan. Aýdan ekonomıkasyna ótken jyldarmen salystyrǵanda tartylǵan ınvestısııa kólemi 125%-ǵa artyp otyr. Údemeli Indýstrıaldy Innovasııalyq Damý memlekettik baǵdarlamasy aıasynda О́ńirlik kásipkerlik qoldaý kartasy tizimine 6 jańa joba engizilgen.
Sholaqqorǵan aýylynan 120 ga jerge jobalyq quny 50 mln AQSh dollaryn quraıtyn «IýKSES-50» JShS-niń kún elektro stansııasyn salý qurylysy aıaqtalǵan. Aldaǵy ýaqytta onda turaqty jumys oryndary ashylatyn bolady. О́tken jyly aýdanda birneshe jańa mektep ashylǵan. Jańa magıstraldy gaz qubyrynyń qurylysy men aýyz sýmen jabdyqtaý jumystary bastalǵan. 2 saıabaq salynyp, 20 shaqyrym joldy asfalttaý júzege asqan. «Qamqorlyq» jobasy aıasynda turmys taýqymetin tartqan 30 otbasyn baspanamen qamtý kózdelip otyr.
Jıyn sońynda О́mirzaq Shókeev aýdan azamattaryn qabyldady. Sozaq aýdanynyń turǵyny Qabylbek Espenbetov Sholaqqorǵan aýylynyń ishki júıesin gazben jabdyqtaý máselesi men joldarǵa asfalt tóseý jumystarynyń jalǵasýy boıynsha ótinishin aıtyp keldi. О́mirzaq Estaıuly bul máselelerdiń júzege asýyn óz baqylaýyna aldy.
