Boljam boıynsha, oblys ortalyǵyndaǵy kásiporyndardyń jumysyn jandandyrý úshin 2019-2023 jyl aralyǵynda 28,7 mlrd teńge ınvestısııa jumsalýy tıis eken. О́tken jyly bul baǵytta ıgerilgen qarjy 2 mlrd teńgeni qurapty. Nátıjesinde jańadan 3 óndiris orny iske qosylyp, 2 kásiporynnyń qýaty artqan. Al turaqty jumys orynyn ashý kórsetkishi qyryq jetige deıin jetipti. Bıyl da óndiristi órkendetýge 6,6 mlrd teńge jumsalmaqshy.
Investısııalyq jobalardyń arasynda birneshe iri óndiris orny bar. Máselen, «Jetisý Majıko» agrokeshenine qarasty qurama jem daıyndaıtyn zaýyt qurylysynyń birinshi kezeńi aıaqtaldy. Jobanyń quny 5,8 mlrd teńge shamasynda. Alǵashqy kezeńde 45 adamdy turaqty jumyspen qamtıtyn kásiporyn tolyq iske qosylǵannan keıin 355 jumys orynyn ashady. Al keramıkalyq granıt taqtalaryn shyǵaratyn «Almaz keramıks» zaýytynyń jumysy sáýir aıynda bastalmaq. Investısııalyq jarǵylyq qory 13,9 mlrd teńgeni quraıtyn joba 2023 jyly tolyqtaı aıaqtalmaq. Alǵashqy kezeńniń ózinde 100 adamdy jumysqa qabyldaıtyn kásiporynnan túbinde 338 jumysshy nápaqasyn tappaq.
Sondaı-aq «Taldyqorǵan» ındýstrıaldy aýmaǵynda iske qosylatyn «Lýnıýan Jetisý» et óńdeý zaýyty men «Green Technology Partners» seriktestiginiń qurǵaq jem zaýytyna da jalpy quny 9 mlrd teńge ınvestısııa jumsalǵan. Bıyl «JLC Sút» zaýytynyń qosalqy sehynyń qurylys bastalady, ol úshin qala aýmaǵynan 6 gektar jer telimi bólingen. О́ndiris iske qosylǵanda jańadan 290 jumys oryny taǵy ashylýy tıis.
