Aýdannyń ótken jyldaǵy jalpy áleýmettik ekonomıkalyq damýy men 2020 jyldaǵy mindetteri saralandy. Qorytyndy jıynǵa oblys ákimi Serikbaı Trumov jáne basqarma basshylary qatysty. Áleýmettik sala, ınfraqurylym, aýyl sharýashylyǵy jáne jumyspen qamtý máseleleri boıynsha atqarylǵan jumystar jan jaqty baıandaldy. Bul jaıynda Mańǵystaý oblysy ákiminiń baspasóz qyzmeti habarlady.
Aýdan bıýdjetiniń búıirin toltyratyn salyqtardyń túsimi de byltyrǵy jylmen salystyrǵanda birneshe paıyzǵa artqan. Iаǵnı 43,3 % kóbeıip, 14,4 mlrd teńgeni qurady. Menshikti kiristerdiń oryndalysy 105,5% bolsa, damý bıýdjetti 100 %, respýblıkalyq transfertteri 99,2% jetti. О́ńir ekonomıkasyn órge súırep otyrǵan ónerkásip salasynda atqarylǵan jumystarǵa keńinen toqtalyp ótti. О́z isin ashyp, kásipkerlikke bet burǵan beıneýlikterdiń sany artyp keledi.
«Bıznestiń jol kartasy-2020» baǵdarlamasy aıasynda ótken jyly 113,3 mln teńgege 11 joba maquldanyp qoldaý kórsetildi. Onyń ishinde: 49,4 mln teńgege 2 joba sýbsıdııalandy, 62,9 mln teńgege 8 joba kepildendirildi. Jańa bıznes ıdeıalarǵa 1,0 mln teńge kóleminde memlekettik grant berildi.
Monıtorıng boıynsha aýdanda 845 kásipkerlik nysan halyq ıgiligine jumys júrgizýde. Negizgi ónerkásip óniminiń kólemi 81,8 mlrd teńgege, kapıtalǵa salynǵan ınvestısııa 36,4 mlrd teńgege jetti. О́nerkásiptik óndiristiń naqty ındeksi 100,8% bolsa, ınvestısııa kólemi 104,5% qurady.
