Qala ákimi Altaı Kólginov qabyldaýǵa jazylǵan turǵyndarmen kezdesti. Qabyldaý barysynda jumysqa ornalasý, bilim men medısınalyq kómek alý, turǵyn úı baǵdarlamalaryna qatysý jáne t. b. máseleler kóterildi. Elorda turǵynynyń aıtýy boıynsha, ol birneshe aı boıy balalardy ońaltýmen aınalysady. Ol ońaltýdaǵy tıimdi ádisterdiń biri bul basseındegi sabaqtar ekendigin, balalar qulaýdan qoryqpaı, jańa qozǵalys daǵdylaryn jyldam meńgere alatynyn, atap ótti.
Elorda ákimi Altaı Kólginov bul baǵyttyń mańyzdylyǵy týraly aıtty. «Biz erekshe qajettilikteri bar balalarǵa bilikti kómek kórsetýmen aınalysatyn úkimettik emes uıymdardyń ókilderimen, dárigerlermen, áleýmettik qyzmetkerlermen birneshe ret kezdestik. Usynystardy tyńdaımyz. О́z tarapymyzdan qajetti kómek kórsetemiz, basseınde ońaltý jattyǵýlaryn jasatatyn sabaqtarǵa qoldaý kórsetemiz. Erekshe qajettilikteri bar balalardy tárbıelep otyrǵan ata - analarǵa qosymsha medısınalyq kómek kórsetiledi», - dedi Altaı Kólginov.
Keshe qala ákimi Altaı Kólginov azamattardy jeke qabyldady. Turǵyndardyń ótinishteri baqylaýǵa alyndy.
8 aqpan (senbi kúni) «Januıa» otbasy ınstıtýtyn qoldaý ortalyǵynda «Ashyq ákimdik» formatynda ashyq esik kúni ótedi.
