Sapar aıasynda Úndistan Memlekettik Qorǵanys mınıstrimen, Úndistan Qarýly Kúshteri Bas shtaby bastyǵymen jáne onǵa jýyq iri qorǵanys kásipornymen kezdesýler ótkizildi.
Taraptar áskerı-teńiz salasyndaǵy yntymaqtastyqty odan ári tereńdetý jaıyn talqylady. Atap aıtqanda, qazirgi ýaqytta Úndistan Qarýly Kúshteriniń teńiz qarý-jaraǵyn jóndeý jáne qyzmet kórsetý jumystaryn júrgizip jatqan Qazaqstannyń S.M. Kırov atyndaǵy mashına jasaý zaýyty qyzmetteriniń eksportyn arttyrý týraly sóz boldy.
Taraptar sonymen qatar saýytty tank tehnıkasy men zymyrandyq-artıllerııalyq qarý-jaraqty jóndeý jáne qyzmet kórsetý, sondaı-aq, qorǵanys quraldaryn birlesip óndirý múmkindikterin talqylady.
Kelissózder barysynda Qazaqstannyń qorǵanys ónerkásibine Úndistan ınvestısııalaryn tartýǵa basa nazar aýdaryldy.
Budan basqa, Úndistannyń Memlekettik Qorǵanys mınıstrine Indýstrııa jáne ınfraqurylymdyq damý mınıstri Beıbit Atamqulovtyń 2020 jylǵy 28-31 mamyrda Nur-Sultan qalasynda ótetin KADEKS-2020 kórmesine qatysýy týraly shaqyrý haty tabys etildi.
