Aýyl mektebi apatty jaǵdaıda tur

Mysalǵa, Sarqan aýdanynyń Eki­asha aýylyndaǵy orta mekteptiń jaǵ­daıy syn kótermeıdi. Bul týraly ja­qyn­da Parlament Senatynyń jalpy oty­rysynda depýtat Lázzat Súleımen má­lim­dedi. Elimizdiń Bilim jáne ǵylym mı­nıs­tri Ashat Aımaǵambetov pen Den­saýlyq saqtaý mınıstri Eljan Birtanovtyń atyna depýtattyq saýal joldaǵan senator «Ekiasha orta mek­tebi» kommýnaldyq memlekettik meke­mesiniń ǵımaraty 1969 jyly qol­da­nys­qa berilgenin aıtyp, áli kúnge deıin jóndeý kórmegenine toqtaldy.

– Bizdiń elimizde 50 jyl boıyna eshqandaı kúrdeli jóndeý jasalmaǵan mektep ǵımarattary bar. О́kinishke qa­raı, sonyń birin saılaýshylarmen kez­desý kezinde kózimizben kórdik. Eki­asha aýylyndaǵy mektep 1969 jyly salynǵan. Qazir munda 433 oqý­shy negizgi bilim alsa, 34 bala mektep­ke deıingi tárbıemen qamtylǵan. Mek­tep­tiń ózi 960 oqýshyǵa arnalǵan eken. Osy ýaqyt ishinde, ıaǵnı, jarty ǵa­syr­da mektepke birde-bir kúrdeli jóndeý jumystary júrgizilmegen. Onyń ústine, mektep taýly aımaqta orna­lasqan. Kóne ǵımarat ornalasqan aýyl seısmıkalyq qaýipti aımaqqa kiredi. Ata-analar kez kelgen tabıǵı apat jaǵdaıynda bala ómirine qater tó­ne­­tinine alańdaýly. Mekteptiń jaǵ­daıyn 2018 jyly komıssııa tekser­gen. Saraptama qorytyndysyn jasa­ǵan. Kúrdeli jóndeý júrgizý týraly smetalyq qujat ta daıyndalypty. Biraq jergilikti ákimdik bul qujatty toqtatyp qoıǵan. Jaqyn arada memlekettik saraptamanyń ýaqyty bitedi, demek Ekiasha aýylyndaǵy mektepti jóndeý jumysy da qaıtyp kóterilmeýi múmkin, – deıdi Senat depýtaty Lázzat Súleımen.

Jalpy, oblysta mektep salý isi toq­taýsyz júrip jatyr. Byltyr bilim salasy boıynsha bastalǵan 23 nysan qurylysynyń on jetisi mektep ǵımaraty eken. Nazardaǵy nysannyń úsheýi paıdalanýǵa berilgen. Qalǵan mektep ǵımaratynyń qurylysy bıyl tolyq aıaqtalýy tıis, iske qosylatyn nysannyń sany – 20. Osy maqsatqa 7,9 mlrd teńge jumsalyp otyr.

 – Úsh aýysymdy mektepterdiń sanyn azaıtý bizdiń basty mindetimizge aınaldy. Bıyl jobaǵa engiziletin mektep qurylysynyń sanyn kóbeıtemiz. Jeke ınvestısııa esebinen de mektep salýdy yntalandyramyz. Qazir 13 mekteptiń qurylysy júrip jatyr. Onyń altaýyn aıaqtap, paıdalanýǵa beremiz. О́kinishke qaraı, 3 aýysymdy mektep sanyn bıyl otyz segizden otyz ekige deıin ǵana tómendete alamyz, –  deıdi oblys ákimi Amandyq Batalov.

Irgetasy quıylatyn bilim oshaq­ta­ry­nyń biri Taldyqorǵan qalasynyń 8-shaǵyn aýdanynda ornalaspaq. Ǵıma­rat 1200 orynǵa laıyqtalyp jo­ba­la­nyp­­ty. Al qala mańyndaǵy Kottedj qala­shyǵyna 900 oqýshy bilim alatyn mektep salynbaqshy. Biraq 2 mektep te aldaǵy jańa oqý jyly bas­tal­ǵansha salynyp úlgermeıdi eken. О́ıtkeni qurylysqa jaýapty Tal­dyqorǵan qalasynyń ákimdigi áli jo­ba­laý jumystaryn da júrgizbegen.

Almaty oblysy