Sýretti túsirgen Erlan OMAR, EQ
Bıyl tórtinshi ret uıymdastyrylyp otyrǵan sharaǵa medıa sarapshylar, jýrnalıster, bas redaktorlar, blogerler men vlogerler qatysyp jatyr.
AQSh-tyń Qazaqstandaǵy tótenshe jáne ókiletti elshisi Ýılıam H. Mozer alǵy sózinde búgingi qazaq tildi medıaǵa degen suranys artyp kele jatqanyn atap ótti.
«Qazforum osydan 4 jyl buryn qazaqtildi onlaın medıa ókilderiniń kásibı alańyn qalyptastyrý maqsatynda bastaldy. Búgin qazaq tiliniń qoldaný aıasy keńip keledi. 4 mln adam medıany turaqty qazaq tilinde tutynady eken, 500-den astam qazaq tildi medıa bar. Alaıda qazaqtildi medıa úshin jarnama tartý máselesi áli de qıyn bolyp tur. Bul alańda ártúrli medıa ókilderi búgingi jahandyq ózgeriste paıda bolǵan medıa salasyndaǵy basty syn-qaterlerdi sheshý jolyn tabýǵa tyrysady», dedi Ýılıam H. Mozer.
AQSh elshisi búgingi qazaqtildi medıa ǵana emes, jalpy álemdik medıa jalǵan aqparat máselesimen betpe-bet kelip otyrǵanyn aıtty.
