Sondaı-aq aýdan boıynsha ortalyqtandyrylǵan aýyz sýmen qamtý búgingi kúni 95 % qurap otyr. Al eldi-mekenderdiń kóshelerin jaryqtandyrýǵa 147 mln teńge bólinip, tıisti jumystar júrgizildi. Jumyspen qamtý máselesi boıynsha 2 662 jańa jumys oryndary qurylyp, 2138 – turaqty, 524 - ýaqytsha jumysqa ornalasty. Búgingi kúni 2135 jumys jasap turǵan kásipkerlik sýbektileri arqyly tórt myńǵa jýyq adam jumyspen qamtyldy. Bıznesti qoldaýmen damytýdyń biryńǵaı baǵdarlamasy arqyly ekinshi deńgeıli bankterden 12 kásipker 227,5 mln teńgege nesıe aldy. Nátıjesinde 15 jumys orny ashyldy.
Qaraqııa aýdanynyń bıylǵy jylǵy jospary – nyq, maqsaty – aıqyn. Jumyspen qamtý, mal sharýashylyǵy, kásipkerlik salalarynda qordalanǵan máseleler talqylanyp, turǵyndar tarapynan túsken ótinishterdi eskerýge ýáde etti.
Qorytyndy jıynnan soń, aýdan ákimi turǵyndar tarapynan túsken saýaldarǵa jaýap berip, óńir basshysy jıynda kóterilgen máselelerdiń júzege asyrylý barysyn ózi qadaǵalaıtynyn jetkizdi. Alda mejeli jumystardy kezeń-kezeńimen júzege asyrý jalǵasa bermek.
