2020 jyldyń 1 qańtarynan bastap 3232 otbasy, 18276 adam ataýly áleýmettik kómek aldy. 4247 kóp balaly otbasylarǵa tegin jol júrý kýáligi berildi. Qazirgi tańda halyqty tolǵandyratyn basty máseleniń biri turǵyn úı jáne jer telimi. Qazirgi ýaqytta úı kezeginde turǵandardyń sany 3080 adam. Máselelerdi sheshý baǵytynda «Baqytty otbasy» jobasy aıasynda áleýmettik qoldaýdyń qosymsha túrleri jergilikti bıýdjet esebinen júrgizilýde. Turǵyn úıge muqtaj azamattardyń tiziminde turǵan 125 azamatqa joldama berilip, 47 otbasy baspanaly boldy. «Ár qazaq meniń jalǵyzym» aksııasy aıasynda Batyr aýyldyq okrýginen 2 turǵyn úı aýdan halqynyń qoldaýymen salynyp, qarasha aıynda berildi.
- Aýyz sýmen qamtamasyz etý boıynsha aýdan turǵyndarynyń 74,1% ortalyqtandyrylǵan aýyz sýmen qamtylǵan. О́tken jyly Qyzyltóbe aýyldyq okrýginde sý jelisi qurylysyna respýblıkalyq bıýdjetten 760 mln teńge bólinip tolyqtaı ıgerildi. Qurylys montajdaý jumystary 55%-ǵa oryndaldy. Aýdan turǵyndary tarapynan únemi kóteriletin suraqtardyń biri tazalyq máselesi. Qoqystan tazartý jumystary júrgizilip jatqanymen, qoqys tógýshiler qatary azaıar emes. Bul jaǵdaılardy únemi baqylap otyrý múmkindigi joq, - dedi Rahat Tezekbaıuly.
«Aýyl – el besigi» arnaıy jobasy aıasynda respýblıkalyq jáne jergilikti bıýdjetten 631,9 mln teńge bólinip oǵan aýyldyń kóshe jaryǵyn jáne aýylishilik joldardy jóndeý boıynsha 10 joba, 1 qurylys jobasy maquldanyp, tolyǵymen aıaqtaldy. Eseptik baıandamadan soń, obly ákimi Serikbaı Trumov halyqtyń tolǵandyrǵan saýaldaryn tyńdap, onyń sheshý joldaryn qarastyrýǵa ýáde berdi.
