Kýrs barysynda elordalyqtarǵa memlekettik tildi oqytýmen qatar, latyn grafıkasyna úıretý kózdelgen.
«О́tken jyly 1500-ge tarta qala turǵynyn bes deńgeı boıynsha qazaq tiline úırettik. Olardyń yńǵaılaryna qaraı elordanyń 4 aýdanynda oqý kabınetteri jumys istedi. Kýrs aptasyna úsh retten jyl sońyna deıin jalǵasty. Al latyn grafıkasyna 854 qyzmetker suranys bildirip, olardy tolyǵymen qamtamasyz ettik. Olardyń arasynda memlekettik qyzmetkerler, qorǵanys salasynyń mamandary, BAQ ókilderi bar. Bıyl da osy jumystardy júıeli túrde atqaratyn bolamyz. Qosymsha aqparattardy «Rýhanııat» mekemesiniń áleýmettik jelilerinen kóre alasyzdar», - dedi Tilderdi oqytý jáne ádistemelik jumystar jónindegi bólimniń basshysy Gúlnara Kamasheva.
Til kýrstaryn uıymdastyrý «Qazaqstan Respýblıkasynyń Til týraly» Zańy jáne Qazaqstan Respýblıkasyndaǵy til saıasatyn iske asyrýdyń 2020-2025 jyldarǵa arnalǵan memlekettik baǵdarlamasy negizinde júzege asyp jatyr.
Qala turǵyndary tómende kórsetilgen mekenjaılar boıynsha qazaq tili kýrsyna jazyla alady:
Almaty, Esil aýdandarynyń turǵyndaryna – Qoshqarbaev dańǵyly, 50 jáne Qabanbaı batyr dańǵ., 8 (213-oqý kabıneti),
Almaty jáne Baıqońyr aýdandary – M.Ǵabdýllın k-si., 5, 3-qabat (304-oqý kabıneti);
Saryarqa, Baıqońyr aýdandary – Respýblıka dańǵ., 42, 3-qabat (7-oqý kabıneti).
