Elbasy Nursultan Nazarbaev agroónerkásip kesheni aldyna mal sanyn arttyrý, taıaý jyldarda eksportqa shyǵarylatyn et kólemin 60 myń tonnaǵa jetkizý mindetin qoıyp otyr. Sondyqtan da elimizde aýyl sharýashylyǵyn 2020 jyldarǵa deıingi kezeńde damytýdyń keshendi baǵdarlamasy jasalyp, júzege asyryla bastady. Mundaı mindetterdiń mal tuqymyn asyldandyrmaıynsha, salada maldárigerlik qyzmetti jaqsartpaıynsha múmkin emestigi túsinikti.
Elbasy Nursultan Nazarbaev agroónerkásip kesheni aldyna mal sanyn arttyrý, taıaý jyldarda eksportqa shyǵarylatyn et kólemin 60 myń tonnaǵa jetkizý mindetin qoıyp otyr. Sondyqtan da elimizde aýyl sharýashylyǵyn 2020 jyldarǵa deıingi kezeńde damytýdyń keshendi baǵdarlamasy jasalyp, júzege asyryla bastady. Mundaı mindetterdiń mal tuqymyn asyldandyrmaıynsha, salada maldárigerlik qyzmetti jaqsartpaıynsha múmkin emestigi túsinikti.Úkimet sońǵy jyldary bul baǵytta keshendi jumystar júrgizip, qarjylaı qoldaý kórsetýdi qolǵa aldy. Elimiz egemendik alǵannan keıin aýyl sharýashylyǵynyń ajary taıyp, veterınarııalyq qyzmettiń kenjelep qalǵany da shyndyq. Memleket basshysy Qazaqstan Respýblıkasy Táýelsizdiginiń 20 jyldyǵyna arnalǵan agroónerkásip kesheni qyzmetkerleriniń forýmynda sóılegen sózinde elimizdegi veterınarııalyq qyzmettiń qazirgi jaı-kúıine keńinen toqtalyp, salada aldynda turǵan mindetterdi belgilep, túıindi máselelerdi sheshýge birqatar tapsyrmalar bergen bolatyn. Respýblıkada veterınarııalyq qaýipsizdikti qamtamasyz etý maqsatynda «Veterınarııa týraly» zańǵa biraz ózgerister men tolyqtyrýlar engizilgeni málim. Osyndaı ózgeristerdiń nátıjesinde aýyldyq jerde maldárigerlik qyzmet sapasyn arttyrý úshin mamandarǵa kommýnaldyq tólemnen jeńildikter berildi, olar turǵyn úı alýǵa jáne salýǵa jeńildetilgen ósimmen nesıe alatyn áleýmettik sala mamandarynyń sanatyna jatqyzyldy, aýylǵa barǵan mal mamandaryna kótermeaqy tólenetin boldy. Osyndaı turmystyq ıgilikter yntalandyrǵan jas mamandar aýyldyq jerlerge bara bastady. О́tken jyly Elbasynyń «Dıplommen – aýylǵa!» jobasy boıynsha 13 jas maman aýyldyq okrýgterde jumysqa ornalasty. Bul úrdis bıyl da jalǵasyn taýyp, osynshama jas túlekter aýyldyq jerlerge barýdy uıǵaryp otyrǵan kórinedi.
Endi bıyldan bastap aýdandyq jáne aýyldyq jerlerdegi respýblıkalyq bıýdjet esebinen jańadan qurylǵan veterınarııalyq uıymdardy qural-jabdyqtarmen jaraqtandyrý bastaldy. Jaqynda ǵana ashylǵan «Andı» JShS-inde oblystyń aýdandyq jáne aýyldyq okrýgterindegi veterınarııa uıymdaryna avtokólikterdi saltanatty tapsyrý sharasy ótkizildi.
Qalalyq, aýdandyq jáne aýyldyq okrýgterdiń veterınarııa kásiporyndary ókilderine sý jańa avtokólikterdiń kiltin oblys ákiminiń orynbasary Marat Taǵymov tapsyrdy. Ol qyzmettik kólik ıelerin quttyqtap sóz sóıledi. Elbasynyń salany damytýǵa aıryqsha kóńil bólip otyrǵanyn tilge tıek ete kelip, mundaı ıgilikterdiń veterınarııalyq qaýipsizdikti qamtamasyz etýge alǵyshart jasaıtynyn aıtty. О́z jumystaryn jańasha júrgizip, mal aýrýlarynyń aldyn alý, boldyrmaý jolynda, mal ónimderiniń sapasyn arttyrý baǵytynda mol qaıtarymmen eńbek etýge tilektestigin bildirdi.
Saltanatty sátte veterınarııalyq stansalarǵa 13 «Djıp» jáne dárileý qondyrǵysy ornatylǵan osynshama «ÝAZ», aýyldyq okrýgterdegi osyndaı pýnkterge 137 «Nıva» avtokólikteri tabys etildi.
– Osy avtomobılderdi qosa eseptegende 60 túrli maldárigerlik qural-jabdyqtar satyp alýǵa 588 mıllıon teńgege jýyq qarjy bólindi. Sonyń 40-tan astam qural-jabdyǵyn qazirdiń ózinde alyp boldyq. Maldárigerlik stansalarǵa aýdan ortalyǵynan jeke qyzmettik ǵımarat, al, pýnkterge bólme bólinetin boldy. Olar veterınarııalyq qural-jabdyqtarmen tolyq jaraqtandyrylady. Osynyń barlyǵy saıyp kelgende, oblystaǵy mal sharýashylyǵyn damytýǵa serpin beretin úrdis, – deıdi oblystyq aýyl sharýashylyǵy basqarmasy veterınarııa bóliminiń jetekshisi Asanhan Jumashuly.
Budan basqa qazir oblystyń tórt aýdanynda bes veterınarııalyq zerthananyń qurylys-montaj jumystary aıaqtalyp qaldy. Olar da osy zamanǵy ozyq zerthanalyq qural-jabdyqtarmen jaraqtandyrylyp, jaqyn kúnderi paıdalanýǵa beriledi dep kútilýde.
Satybaldy SÁÝIRBAI,
«Egemen Qazaqstan».
Aqtóbe oblysy.
