Jambyl oblysy Qordaı aýdanyndaǵy oqıǵany áleýmettik jelilerden estip-bilip jatyrmyz. Prezıdentimiz aralasyp, jaǵdaıdyń aldyn alýǵa shaqyryp jatyr eken. Aýyl aqsaqaldary turǵyndar arasyndaǵy kıkiljińdi ózara sheship otyratyn edi. Bir túsinbeýshilik bolyp turǵan shyǵar. Sabyr tileımin, máseleni aqyldylyqpen asyqpaı sheshken jón. Bári jaqsy bolady degen úmittemin. Bul oqıǵanyń anyq-qanyǵyn bile bermeımiz, sol sebepten arandap qalmaý kerek dep esepteımin. Burynǵy zamannan qanshama ult ókili elimizde tatý-tátti ǵumyr keship keledi. Ǵasyrlardan kele jatqan birligimiz ajyramasyn, - dedi ánshi.
Baǵdat Sámedınova ózge ultqa pana bolǵan, meıirim kórsetken, bir nandy bólip jegen halyq ekenimizdi eske saldy.
- Qazaq halqy meıirban halyq, ózge ulttardy ózekke teppeı, qaıta baýyryna tartqan. «Birlik bar jerde tirlik bar» degen, árdaıym túsinistik bolsyn dep tileımin. Halyqty sabyr bolýǵa shaqyramyn. Qashanda irgemiz ajyramasyn. Mektep balalary arasyndaǵy tóbelesti de daýǵa aınaldyryp jiberetinder bar, shekisken oqýshylardy muǵalim tatýlastyryp, dostastyryp jiberetin. Birligimiz bekem bolsyn, - dedi ánshi.
Eske sala keteıik, Jambyl oblysy Qordaı aýdanyndaǵy Masanchı aýylynyń turǵyndary arasynda jappaı tóbeles boldy. Kóp ótpeı Prezıdent Qasym-Jomart Toqaev Jambyl oblysy Qordaı aýdanynda bolǵan jappaı tóbeleske qatysty pikir bildirgen-di.
«Jambyl oblysy Qordaı aýdanynda buzaqylyq sıpattaǵy jappaı tóbeles boldy. Ony arandatýshylar óz paıdasyna qoldanbaq bolǵan. Polısııa jaǵdaıdy rettep, óz baqylaýyna aldy. Qoǵamdyq tártipti buzǵandar jaýapkershilikke tartylady» dep jazdy Qasym-Jomart Toqaev Twitter paraqshasynda.
Al búgin Memleket basshysy Jambyl oblysyndaǵy oqıǵaǵa baılanysty málimdeme jasady.
