Jýyrda Pavlodar oblysynyń ákimi Erlan Aryn bastaǵan delegasııa aımaqaralyq yntymaqtastyqty damytý jáne nyǵaıtý maqsatynda Bashqurtstan astanasy – Ýfa qalasyna saparmen baryp qaıtqan edi. Sapar barysynda olar eki el kásipkerleriniń bıznes-forýmyna jáne «Yntymaqtastyqtyń saıası-quqyqtyq, ekonomıkalyq jáne áleýmettik-mádenı dálelderi» atty halyqaralyq ǵylymı-tájirıbelik konferensııaǵa qatysty.
Jýyrda Pavlodar oblysynyń ákimi Erlan Aryn bastaǵan delegasııa aımaqaralyq yntymaqtastyqty damytý jáne nyǵaıtý maqsatynda Bashqurtstan astanasy – Ýfa qalasyna saparmen baryp qaıtqan edi. Sapar barysynda olar eki el kásipkerleriniń bıznes-forýmyna jáne «Yntymaqtastyqtyń saıası-quqyqtyq, ekonomıkalyq jáne áleýmettik-mádenı dálelderi» atty halyqaralyq ǵylymı-tájirıbelik konferensııaǵa qatysty.
Bashqurtstan men Pavlodar oblysy iskerlik-kásipkerlik ortasynyń, ǵylym men mádenıet salasynyń ókilderiniń qatysýymen bolǵan kezdesýde eki eldiń aımaqaralyq baılanystaryn damytý jáne nyǵaıtý jóninde keńinen áńgime boldy. Kezdesý barysynda Pavlodar oblysynyń ákimi Erlan Aryn men Bashqurtstan prezıdenti Rýstam Hamıtov mashına jasaý, metallýrgııa, hımııa jáne munaı-hımııa, azyq-túlik jáne jeńil ónerkásip, aýyl sharýashylyǵy salalary men ınvestısııalyq yntymaqtastyq múmkindikteri jaıly máselelerdi talqylady.
Jalpy, Pavlodar oblysy Omby, Novosibir, Tom oblystarymen, Altaı ólkesimen jaqsy qarym-qatynas ornatqan. «Qazaqtar men bashqurttar aldymen rýhanı turǵyda jaqynbyz. Endi ózge salalarda da baılanysymyzdy odan ári nyǵaıta alamyz. Bul kezdesýdi bolashaqqa bastar alǵashqy qadam dep bilemin», – dedi Bashqurtstan prezıdenti Rýstam Hamıtov.
Bizdiń oblystyń óndiris salasyndaǵy belsendiligi joǵary ekeni belgili. Sondyqtan, bashqurt kásiporyndarymen yntymaqtastyqta jumys isteýge daıyn. Sapar barysynda Pavlodar qalasynyń ákimdigi men Ýfa qalasy ákimshiliginiń arasyndaǵy saýda-ekonomıkalyq, ǵylymı-tehnıkalyq baǵyttardaǵy, mádenıet, bilim berý, sport salalary jáne jastar máseleleri boıynsha yntymaqtastyqty damytýǵa qatysty hattamaǵa qol qoıyldy.
Bashqurtstan munaı-hımııalyq jobalardy iske asyrýda. Osyǵan baılanysty oblys ortalyǵyndaǵy kalsıılengen soda zaýytynyń qurylysy jobasyn iske asyrý boıynsha «Qazsoda» JShS men «Bashkırskaıa hımııa» AAQ arasyndaǵy birlesken jumys jónindegi memorandýmǵa da qol qoıyldy. «Bul jetekshi joba bolady dep senemin. О́ıtkeni, onyń quny jarty mıllıon dollardy quraıdy. Bashqurtstandaǵy iri kompanııalardyń tájirıbesi biz úshin asa mańyzdy», – dep atap ótti Erlan Aryn.
Sondaı-aq, Pavlodar munaıhımııa zaýyty men Ýfa memlekettik munaı ýnıversıteti arasyndaǵy yntymaqtastyq týraly memorandým da bekitildi. Qazirgi tańda elimizdiń 300 stýdenti Ýfanyń joǵary oqý oryndarynda bilim alýda, kópshiligi munaı ýnıversıtetinde oqıdy. Bulardan bólek Pavlodar memlekettik pedagogıkalyq ınstıtýty men M.Akmýlla atyndaǵy Bashqurtstan memlekettik pedagogıkalyq ýnıversıteti arasynda kólemi 2 mıllıon dollardy quraıtyn kelisimshart jasaldy.
Delegasııa músheleri Ýfa qalasyndaǵy «Aq bata» qazaq ulttyq mádenıet ortalyǵynyń ókilderimen de kezdesti. Bashqurtstanda 4 myńnan astam qandasymyz turady eken. Oblys ákimi Erlan Aryn qazaq dıasporasynyń ókilderine kıiz úı, qazaqtyń ulttyq kıimderi men mýzykalyq aspaptaryn, 200-den astam kitap pen qazaq avtorlarynyń shyǵarmalary jazylǵan 100 dıskini syıǵa tartty.
Farıda BYQAI,
«Egemen Qazaqstan».
Pavlodar oblysy.
