Endi jetkinshekter Túrkııaǵa shaqyrtý alyp, kezekti daıyndyqqa kirisip ketti
Endi jetkinshekter Túrkııaǵa shaqyrtý alyp, kezekti daıyndyqqa kirisip ketti
Gazetimizdiń 24 shildedegi sanynda estý qabileti óte nashar balalar mektep-ınternaty janynda «Sensitive» bal bıleri ansambli jumys isteıtinin, túrli dárejedegi baıqaýlarda top jaryp júrgenin, Bolgarııada ótetin «Solnechnyı tanes» halyqaralyq baıqaýyna qarjy tappaı daǵdarǵan sátte aımaq basshysy Samat Eskendirovtiń qoldaýymen saparǵa attanyp ketkenin jazǵan edik. On eki múshesi saý 200-ge jýyq qatysýshylar arasynda óner kórsetken elimizdegi biregeı ujymnyń tárbıelenýshileri 16-20 jastaǵy úmitkerler arasynda «Bal bıi» atalymy boıynsha top jaryp, bas báıgeni ıelendi. Onda «Vena valsi», «Cha-cha-cha», «Pasadobl» bılerin asqan sheberlikpen, ózindik mánermen oryndap, múmkindikteriniń shekteýligine qaramastan, qazylar alqasyn da, ónersúıer qaýymdy da qaıran qaldyrdy.
Bal bıleri ansamblin «Slavıanskıı pýt» ulttyq mádenıet, óner jáne qolóner jazǵy mektebi uıymdastyrǵan dodaly básekege bastap barǵan horegraf Olga Rostovshıkova túrik elinde ótetin bedeldi halyqaralyq bı baıqaýyna shaqyrtý alǵanyn qýana jetkizdi.
О́mir ESQALI,
«Egemen Qazaqstan».
Soltústik Qazaqstan oblysy.
Sýretti túsirgen
Amangeldi BEKMURATOV.
