«Qazirgi tańda jalpy Jambyl oblysynyń Qordaı aýdanynda jaǵdaı turaqty. Barlyq quqyq qorǵaý organdarynyń kómegimen jergilikti ákimdikter jumys istep jatyr. Jalpy ótken 5 kúnniń ishinde dárigerlik kómekke 141 adam júgindi. Onyń ishinde 19-y polısııa qyzmetkerleri. О́kinishke oraı, 10 adam qaıtys boldy. Kóz jumǵandardyń otbasylaryna jerilikti demeýshilerdiń, ákimdikterdiń tarapynan kómek kórsetildi. Komıssııa músheleri qaza tapqan barlyq azamattyń otbasylaryna Memleket basshysy Qasym-Jomart Toqaevtyń atynan kóńil aıtty. Barlyq sharalaryna qatystyq. Qazirgi tańda Qordaı aýdandyq aýrýhanasynda 13, Almaty qalasynda 25 adam dárigerlik kómek alyp jatyr. Qyrǵyzstanda bolǵan 9 adamdy Almaty men Tarazǵa qaıtardyq. Almatydan Qordaı aýdanyna 10 joǵary bilikti dáriger keldi», - dedi Berdibek Saparbaev.
