«Eger 2018 jyly qalanyń qoǵamdyq oryndarynda 14 myńnan astam quqyq buzýshylyq jasalsa, 2019 jyly bul kórsetkish 8 myńǵa deıin azaıǵan. Onyń ishinde, qala kóshelerinde jasalǵan qylmystar 38,4 % azaıdy. Buzaqylyq áreketter sany 52,3 % - ǵa qysqardy», - deıdi Malıka Bekturova.
Onyń aıtýynsha, búgingi tańda astanada «Sergek» qoǵamdyq jáne jol qaýipsizdigi jobasy boıynsha 13 myń kamera ornatyldy. Onyń ishinde 10 myńy qaladaǵy qoǵamdyq tártipti qadaǵalaıdy.
«Bul kameralardyń derekteri qaladaǵy kóshelerde bolyp jatqan jaǵdaıdy polısııa qyzmetkerleri baqylaıtyn Ahýaldyq ortalyqqa beriledi. Jol qıylystarynda jáne joldyń jelilik ýchaskelerinde ornatylǵan apparattyq-baǵdarlamalyq keshenderdiń quramyna kiretin sholý kameralary da astanada qoǵamdyq qaýipsizdikti baqylaýǵa múmkindik beredi. Kameralar qalanyń jatyn aýdandarynda, mektepterdiń janynda, qoǵamdyq oryndarda ornalasqan. Sondaı-aq mektepterde, balabaqshalarda, qoǵamdyq oryndar aýmaǵynda astanadaǵy qaýipsizdiktiń deńgeıin arttyrý maqsatynda menshikti kameralardy ıntegrasııalaý júrgizilýde», - dep jazdy qala ákiminiń orynbasary.
