Qazaqstan komandasy birinshi matchta Úndistanmen kezdesip, 1:4 esebimen jeńilip qaldy. Alaıda, komanda kóshbasshylary Dmıtrıı Panarın men Artýr Nııazov kishigirip sensasııa jasady.
Juptyq kezdesýden olar álemdik reıtıngte 10-shy orynda turǵan Úndistan komandasynyń úzdikteri Chırag Shettı men Prannoıdy úsh partııa qorytyndysy boıynsha utty. Esep: 18:21, 21:16, 21:19.
«Búginge deıin qazaqstandyq badmıntonshylar álemdik reıtıngte alǵashqy ondyqta turǵan sportshylardan basym túsken emes. Demek, Panarın men Nııazovtyń bul jeńisin kishigirim erlik deýge bolady. О́kinishke oraı, komandadaǵy ózge jigitter jeńilip qaldy. Erteń bizdiń komanda Malaızııaǵa qarsy oınaıdy», - deıdi bas bapker Asqar Ormanov.
Badmıntonnan komandalyq Azııa chempıonatyna tómendegi sportshylar qatysýda:
Erler: Dmıtrıı Panarın, Artýr Nııazov, Nıkıta Bragın, Haıtmýrat Kýlmatov;
Qyzdar: Kamıla Smaǵulova, Aısha Jumabek, Oksana Shtelle, Arına Sazonova.
