Týǵan elimiz táýelsizdik alǵaly jıyrma eki jyl jyljyp óte shyqty. Bul tarıh úshin qas-qaǵym sát. Desek te, osy az ǵana ýaqyttyń ishinde Qazaqstannyń ǵasyrǵa para-par joldan ótkeni anyq. Elbasymyz Nursultan Nazarbaevtyń: «Qazaqstan osy jyldardy Otan tarıhyndaǵy abyroıly da asqaq tabystarymen órnekteı aldy. Tórtkúl dúnıeniń tórt qubylasynan turaqty dos, aınymas áriptes, saparlas serikter, qaqysy buzylmas kórshi tapqan Qazaqstan jańa myńjyldyqtyń uly kóshinde kerýen tartyp keledi», – degen sózderinen de osyny ańǵaramyz. Azattyq bizge aspannan túse qalǵan joq. Ol derbes el bolý jolyndaǵy kúreste «myń ólip, myń tirilgen» babalarymyzdyń qanymen, terimen keldi. Bul oraıda, Alash qaıratkerleriniń eline sińirgen eńbegi tipti ólsheýsiz.
Týǵan elimiz táýelsizdik alǵaly jıyrma eki jyl jyljyp óte shyqty. Bul tarıh úshin qas-qaǵym sát. Desek te, osy az ǵana ýaqyttyń ishinde Qazaqstannyń ǵasyrǵa para-par joldan ótkeni anyq. Elbasymyz Nursultan Nazarbaevtyń: «Qazaqstan osy jyldardy Otan tarıhyndaǵy abyroıly da asqaq tabystarymen órnekteı aldy. Tórtkúl dúnıeniń tórt qubylasynan turaqty dos, aınymas áriptes, saparlas serikter, qaqysy buzylmas kórshi tapqan Qazaqstan jańa myńjyldyqtyń uly kóshinde kerýen tartyp keledi», – degen sózderinen de osyny ańǵaramyz. Azattyq bizge aspannan túse qalǵan joq. Ol derbes el bolý jolyndaǵy kúreste «myń ólip, myń tirilgen» babalarymyzdyń qanymen, terimen keldi. Bul oraıda, Alash qaıratkerleriniń eline sińirgen eńbegi tipti ólsheýsiz. Búginde olar jaıly jazylyp jatyr. Bizdiń aıtpaǵymyz basqa. Ulttyq táýelsizdik, ózin-ózi basqarý, quqyqtyq memleket prınsıpterin qazaq qoǵamyna engizý, aǵartý isin jaqsartý, tildi damytý sııaqty bıik murat men maqsattar tóńiregine toptasqan, jańarý men bostandyq ıdeıalarynyń naǵyz jarshylary bolǵan sol aıaýlylarymyzdyń esimderi elimiz táýelsizdik alǵanǵa deıin «jabýly qazan jabýly» kúıinde jatty. О́ıtkeni, Keńes ókimeti Qazaq eliniń ult-azattyq qozǵalysyna, onyń belgili qaıratkerlerine baılanysty is júzinde uly derjavalyq shovınıstik saıasat ustanyp, óziniń bar ıdeologııalyq kúsh-qýatyn ulttyq sanany tunshyqtyrýǵa baǵyttady. Sol kezeńde, ásirese, Qazaq eliniń saıası qaıratkerleriniń murasyna kóp qııanat jasaldy.
Alashtyń uly qaıratkerleriniń biri Álimhan Ermekovtiń de osyndaı saıasattyń qurbany bolǵanyna búgin kóz jetkizip otyrmyz. О́tken ǵasyrdyń 90-jyldaryna deıin bizdiń elimizde ony biletinder óte az boldy. Onyń esimi Qazaq keńes ensıklopedııasyna engizilmedi, tarıhshylar da ol týraly shyndyqty aıta almady. Tek matematıkter ǵana Qazaqstandaǵy matematıka bilimi men ǵylymy tarıhyn qarastyrǵanda Á.Ermekovti oqta-tekte aýyzǵa alatyn. Sóz joq, búkil ǵumyryn ustazdyqqa arnaǵan, qazaqtan shyqqan tuńǵysh matematık, professor Á.Ermekovtiń ǵylym salasyna sińirgen eńbegi óte zor. Onyń ustazdyq jolyn qysqasha sholar bolsaq, el ıgiligi jolynda qyrýar ister atqarǵanyna kóz jetkizemiz. Ol 1935 jyly qazaq tilinde «Uly matematıka kýrsy» atty kitaptyń birinshi bólimin, 1936 jyly ustazdyq tájirbıesi negizinde «Qazaq tiliniń matematıka termınderi» atty túsindirme sózdigin, al 1937 jyly «Determınant teorııasynyń elementteri» dep atalatyn eńbegin jazdy. О́kinishke qaraı, 1938 jyly «halyq jaýy» atanyp, tutqyndalýyna baılanysty onyń óńdelip, baspaǵa tapsyrylǵan «Uly matematıka kýrsy» kitabynyń 2-bólimi joǵalyp ketti, daıyndaǵan doktorlyq jumysy aıaqtalmaı qaldy.
Á.Ermekov 1921-1922 jyldary Qarqaralyda eki satyly mektep pen pedagogıkalyq tehnıkýmdy (qazir Saran pedkolledji) ashýǵa tikeleı basshylyq jasaǵan. 1926 jyly birjola oqytýshylyq qyzmetke aýysqannan keıin, 1926-1928 jyldary Tashkenttegi tuńǵysh qazaq pedagogıkalyq ınstıtýtynyń joǵary matematıka kafedrasynyń oqytýshysy, keıin jaratylystaný-matematıka fakýltetiniń dekany, 1928-1930 jyldary Almatydaǵy Qazaq memlekettik ýnıversıtetinde matematıka kafedrasynyń dosenti, 1930-1936 jyldary Qazaq memlekettik zootehnıkalyq-maldárigerlik ınstıtýtynyń dosenti ári professory jáne matematıka kafedrasynyń meńgerýshisi mindetterin atqardy. 1936-1938 jyldary Qazaq ken-metallýrgııalyq ınstıtýtynda matematıka jáne teorııalyq mehanıka kafedrasynyń meńgerýshisi mindetin jalpytehnıkalyq fakýltettiń dekany qyzmetine qosa atqardy. 1938 jyldyń basynda Kýıbyshevtiń (qazirgi Samara) josparlaý ınstıtýtynda matematıka jáne matematıkalyq statıstıka kafedrasy
