«Qazir qalada 115 mektep pen 182 myń oqýshy bar. Halyqtyń ósýine baılanysty qalada áleýmettik nysandarǵa júkteme artyp keledi. 8 mektep qazir úsh aýysymda oqytady.
Úsh aýysymdy oqytýmen baılanysty máseleni sheshý úshin jyl saıyn keminde 10 jańa mektep salyp otyrý qajet. Bıyl jáne kelesi jyly 12 mektepten salynady. Birinshi kezekte mektep qurylysyna arnalǵan oryndar anyqtaldy. Mektepterdiń qurylysyna jeke ınvestorlardy tartamyz. О́ńirlik keńeste jeke ınvestısııa esebinen 22 myń oqýshyǵa eseptelgen 22 mektep salý qoldaý tapty», dedi A. Kólginov.
Keshendi jospar aıasynda 5 jyldyq kezeńge 60 myń oryndyq 50 mektep (onyń ishinde 10 mektep qazirgi mektepter aımaǵynda) salý josparlanǵan.
2 aýysymda bul 120 myńǵa jýyq oryn ashýǵa múmkindik beredi. Elordada eńbek etýge qolaıly jaǵdaı jasaý úshin 350 oryndyq muǵalimderge arnalǵan jataqhana salyndy, kadrlardy daıarlaýǵa granttar bólinedi.
