ALMATYNYŃ EŃ ÚZDIK MUǴALIMI

Bıyl osymen altynshy ret Almaty qalasynyń úzdik muǵalimderi anyqtaldy. Ustazdar  qaýymyn izdenisterge ǵana umtyldyryp qoımaı, áleýmettik jaǵdaılaryna da ıgi yqpal etetin “Jyl muǵalimi” baıqaýynyń júldegerlerin dástúr boıynsha qala ákimi Ahmetjan Esimov quttyqtady. Sonymen Almaty qalasynyń 2010 jylǵy eń úzdik muǵalimi №79 gımnazııasynyń aǵylshyn tiliniń muǵalimi Alma Igilikova atandy. Qala ákimi bas júl­degerge “Jyl mu­ǵalimi” tós­belgisin taǵyp, bir bólmeli pá­ter kiltin ta­bys etti. Al ótken jyly Almatynyń eń úzdik muǵalimi ataǵyn jeńip alǵan Tursyn Tańatov  baı­qaýdyń sım­voly – aýys­paly al­tyn al­ma men ki­tap­ty Almaǵa amanattady. Al birinshi oryndy ıem­dengen №133 jalpy bilim beretin orta mekteptiń mýzyka pániniń muǵalimi Qanaǵat Jalǵasbaeva jańa avtokóliktiń ıesi bolyp shyǵa keldi. Bostandyq aýdanyn­daǵy M.Bazarbaev atyndaǵy №138 gımnazııasynyń tarıhtan dáris beretin ustazy Jandos Qumǵanbaevqa ekinshi oryn alǵany týraly arnaýly dıp­lomdy Qazaqstannyń halyq ártisi Roza Rymbaeva tabys etti. Al úshinshi oryn №51 mektep-gımnazııasynyń orys tili men ádebıeti pániniń muǵalimi Tatıana Lızýnovaǵa buıyrdy. Sondaı-aq, keıingi úsh jyl qatarynan ótkizilip kele jatqan “Qazaq tili pániniń úzdik mu­ǵalimi” baıqaýynyń bas júldesin Aıza Muhtarqulova jeńip aldy. Bıyl bul konkýrsqa qaza tili men ádebıeti pániniń 43 muǵalimi qatysty. Synnan súrinbeı ótken taǵy 10 muǵalim baıqaýdyń de­meýshisi “Komsnabstroı” AQ tóraǵa­sy M.Tólegenov taǵaıyn­daǵan qarjylaı syılyqtardy alyp, otbasylaryna, bilim ordalaryna qýanyshpen oraldy. Tórt týrdan turatyn “Jyl muǵalimi” baıqaýynyń aqtyq synyna qala mektepteri ara­synan 10 us­taz úz­ilip shyqqan. Jal­py baı­qaýǵa qa­ty­sýǵa qala bo­ıynsha 87 mu­ǵalim óti­nish bildirgen eken.  Baı­qaý­dyń soń­­ǵy synynda ir­iktelgen 10 mu­ǵalim ash­yq sabaqtar ótkizip, ol­ar­dyń ustazdyq biliktilikteri kásibı qa­zylar toby tarapynan saraptalǵan. Oǵan qosa 11 naýryzda Al­ma­ty qalasynyń bilim berý jú­ıe­sindegi mamandardyń kásip­qoı­lyǵyn kóterý jáne qaıta daıarlaý ınstıtýtynda balalardyń bas­pa­sóz-máslıhaty ótip, onda kon­kýr­sant­tardyń beınetaspaǵa tú­si­ril­gen ashyq sabaqtary oqýshylar nazaryna usynylǵan. Bul bas­qosýda №12 jáne №35 gımnazııa­la­rynyń shákirtteri júldeli oryndarǵa laıyqty ustazdarǵa saýaldary men ótinishterin bil­dirgen bolatyn. Máslıhattyń nátıjesinde kóńilderinen shyq­qan muǵalimge “Balalar kó­z­aıy­my” degen júlde taǵaıyndaldy. Aınash ESALI, Almaty.