Otyrysty Eýrazııalyq ekonomıkalyq komıssııa Alqasynyń jańa tóraǵasy M. Mıasnıkovıch ótkizdi.
Qazaqstandyq delegasııany QR Premer-Mınıstriniń Birinshi orynbasary – qarjy mınıstri Á.Smaıylov basqardy.
Talqylaý nátıjesinde EAEO múshe-memleketter EAEO biryńǵaı naryǵynyń tıimdiligin arttyrý, odaqtyń sıfrlyq keńistigin qurý, memlekettik satyp alý men olarǵa qoljetimdilik prosesin sıfrlandyrýdy qamtamasyz etý, yntymaqtastyq jobalaryn júzege asyrý, EAEO-nyń ınstıtýsıonaldyq bazasyn jetildirý jáne t. b. máseleler boıynsha bir baılamǵa keldi.
Otyrys qorytyndysy boıynsha taraptar EEK Keńesiniń kelesi otyrysynda Strategııalyq baǵyttar jobasyn talqylaýdy jalǵastyrýǵa kelisti.
Qarastyrylyp otyrǵan strategııalyq baǵyttar Qazaqstannyń múddesin tolyq qamtamasyz etedi, ıaǵnı ekonomıkalyq ıntegrasııalyq prosesterdi tereńdetýden bolatyn ekonomıkalyq paıdany meıilinshe arttyrýǵa baǵyttalǵan.
Esterińizge sala keteıik, EAEO sheńberindegi ıntegrasııalyq prosesterdi odan ári damytý týraly 2018 jylǵy jeltoqsanda qabyldanǵan Deklarasııany iske asyrý úshin Strategııalyq baǵyttardyń jobasy ázirlenýde.
