Aımaqtar • 16 Aqpan, 2020

MJÁ: Tyń bastamalarǵa jol ashyp, bıznesti jandandyrady

37 ret kórsetildi

Qazir elimizde memlekettik-jekeshelik áriptestik negizde túrli nysandar boı kóterýde. Olardyń qatarynda sport keshenderi, mektep, balabaqsha jáne dárigerlik ambýlatorııalar bar. MJÁ mehanızmi bıýdjet júktemesin azaıtyp qana qoımaı, jeke bıznesti jandandyrady, kásipkerlik salasynda tyń bastamalarǵa jol ashady.

Qazaly aýdany ákimdiginiń májilis zalynda ótken semınarda memlekettik-jekeshelik áriptestiktiń artyqshylyqtary men tıimdi jaqtary aıtyldy.

Basqosýda aýdan ákimi Murat Ergeshbaev aımaqtyq memlekettik-jekeshelik áriptestik ortalyǵynyń sarapshylaryn tanystyryp, búgingi máseleniń mańyzdy ekenin atap ótti.

– Bundaı ıgi jumystarmen oblys kóleminde aınalysyp jatqan kásipkerler jeterlik. Aýdanymyzdyń da kásipkerleri osy baǵytta jumys jasaýǵa qyzyǵýshylyq tanytady dep oılaımyn. Bizdiń kásipkerlerdiń potensıaly óte joǵary. Tek qana baǵdarlamanyń maqsaty men júıeli jumysyn jaqsy túsinip alýymyz qajet, – dedi Murat Nálhojauly.

Basqosýda Qyzylorda oblysynyń aımaqtyq memlekettik-jekeshelik áriptestik ortalyǵynyń sarapshylary Janat Saparjanova men Baýyrjan Nurseıitov aýdan kásipkerleri, kent, qala, aýyldyq okrýg ákimderi jáne bólim basshylaryna MJÁ jobalaryn iske asyrýdyń negizgi qaǵıdattaryn, memlekettik jáne jekeshe áriptesterdiń qatysý nysandary men tásilderin, shyǵyndardy óteý jáne MJÁ jobasyn iske asyrýdan túsetin kirister kózderin túsindirdi.

Semınar barysynda jergilikti kásipkerler ózderin tolǵandyrǵan suraqtaryn qoıyp, mamandardan bul jobanyń qyr-syryn bildi.

Aımaqtyq memlekettik-jekeshelik áriptestik ortalyǵynyń sarapshylary  aýdannyń belgili kásipkerleri «RZA» AQ prezıdenti Samurat Imandosov, «Syr marjany» JShS dırektory Minajadın О́teev, «Jalańtós batyr» JShS dırektory Qasqyrbaı Álimbaı, «Namys Qurylys» JShS dırektory Ábdimálik О́teýlilermen de kezdesip, memleket pen bıznestiń birikken bastamasy jaıly jan-jaqty túsindirildi.

Sońǵy jańalyqtar

Qazaqtyń Qyz Jibegi

Rýhanııat • Keshe

Azattyq arhıtektory

Elbasy • Keshe

Aq borannyń azaptary

Aımaqtar • Keshe

Adam ómiri úshin arpalys

Aımaqtar • Keshe

Elordada órt sany azaıdy

Elorda • Keshe

Atyraýda kottedj otqa orandy

Aımaqtar • Keshe

Uqsas jańalyqtar