Qoǵam • 17 Aqpan, 2020

J.Túımebaev etnomádenı birlestikterdiń jetekshilerimen kezdesti

94 ret kórsetildi

Elordalyq Dostyq úıinde Qazaqstan halqy Assambleıasy Tóraǵasynyń orynbasary – Hatshylyq meńgerýshisi Janseıit Túımebaevtyń Nur-Sultan qalasynyń Qazaqstan halqy assambleıasy hatshylyǵy men qurylym músheleri, etnomádenı birlestikterdiń tóraǵalarymen kezdesýi ótti.

Jıynǵa QHA Tóraǵasynyń orynbasarlary Iý.Kelıgov pen Sh.Pýlatov, Nur-Sultan q. ákiminiń orynbasary B.Máken, QHA músheleri men etnobirlestikterdiń jetekshileri qatysty.

Kezdesý barysynda Assambleıa Tóraǵasynyń orynbasary  memleketimizdiń Konstıtýsııasy ulty, násili, dini men basqa da ózgeshelikterine qaramastan, óziniń barlyq azamattarynyń múddelerin qorǵaýǵa kepildik beretinin atap ótti.

QHA ulttyq birliktiń memlekettik saıasatynyń senimdi tiregi bola turyp, turaqtylyqty nyǵaıtýda mańyzdy ról atqarady.

Jambyl oblysy Qordaı aýdanyndaǵy oqıǵada Assambleıa shet qalmaı, kıkiljińdi shuǵyl sheshý úshin alǵashqy mınýttarda-aq birqatar jumystar atqarǵan bolatyn.

J.Túımebaev qylmysta ult joq ekendigin atap ótti. Barlyq kináliler Zańǵa sáıkes jaýapqa tartylady.

Sonymen qatar ol kıkiljińniń sebepterine toqtala otyryp, memlekettiń atalǵan másele boıynsha tolyq túsinigi men onyń sheshý algorıtminiń bar ekendigin aıta ketti.

Kezdesý barysynda «Birlik kóptúrlilikte» prınsıpi negizinde qoǵamdyq kelisim men ultaralyq birlikti nyǵaıtý, etnosaralyq qatynastyń negizi retinde – memlekettik tildi úırený, jalpyulttyq tarıhı sananyń damýy jáne taǵy basqa boıynsha birqatar mindetter qoıyldy.

О́z kezeginde etnomádenı birlestikterdiń jetekshileri Qazaqstan halqy Assambleıasynyń biriktirýshi róline nazar aýdardy. QHA basty mindet – etnostardy ıntegrasııalaýdy oryndaýǵa járdemdesti. Táýelsizdik jyldar boıy birde-bir etnos jekelený strategııasyn tańdaǵan joq jáne olardyń barlyǵy budan ári de qazaq halqynyń yntymaqshyldyǵy negizinde birlik pen kelisimdi nyǵaıtýǵa daıyn ekenderin bildirdi.

Qoryta kele, QHA Tóraǵasynyń orynbasary etnomádenı birlestikterdiń jetekshilerin arandatýshylyqqa jol bermeýge shaqyrdy. Etnosaralyq qatynastar salasyndaǵy memlekettiń baǵyt-baǵdary men ustanǵan saıasaty ary qaraı jalǵasa beredi.

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar