Qazaqstan • 18 Aqpan, 2020

Qazaqstandyq 100 kompanııa Alibaba-ǵa «Altyn jetkizýshi» retinde tirkeledi

45 ret kórsetildi

Alibaba halyqaralyq platformasyna «Altyn jetkizýshi» retinde qazaqstandyq 100 kompanııa tirkeledi. Bul týraly búgin Úkimet otyrysynda Saýda jáne ıntegrasııa mınıstri Baqyt Sultanov aıtty.

«Atameken» Ulttyq kásipkerler palatasymen birlesip «Internet-eksporttaýshy mektebi» baǵdarlamasy iske qosyldy. Elektrondyq saýda alańdarynda bıznesti júrgizýdiń praktıkalyq ádisine 200 qatysýshy oqytyldy. Bastaýshy jáne tájirıbeli kásipkerlerge ınternet-platformalarda ilgeriletý boıynsha tikeleı qoldaý kórsetildi. Máselen, Alibaba halyqaralyq platformasyna «Altyn jetkizýshi» retinde tirkeý úshin 50 kompanııa irikteldi. Bul premıaldy mártebesi jahandyq aýdıtorııaǵa qoljetimdilikti, marketıng ishinde keshendi ilgeriletý múmkindigin qamtamasyz etedi. Jyldyń aıaǵyna deıin biz taǵy 50 kompanııaǵa osyndaı járdem kórsetýdi josparlap otyrmyz«, - dedi Saýda jáne ıntegrasııa mınıstri Baqyt Sultanov.

Onyń aıtýynsha, Alibaba halyqaralyq platformasyna alǵashqy irikteýge ilikken qazaqstandyq 50 bıznestiń 22-si tirkelip úlgergen. Olar bıylǵy jyly qazaqstandyq ónimdi jalpy 28 mln dollar somaǵa satýdy, qosymsha 83 jumys ornyn qurýdy josparlap otyr.

«Jalpy, 2019 jyly elektrondyq saýda arqyly qazaqstandyq taýarlardyń eksporty qarqyndy ósip, 5 mln dollardy qurady. Bul jetistikterdi ári qaraı arttyrý úshin eksporttaýshylardyń shyǵyndaryn óteý erejesiniń 2-paketi aıasynda elektrondyq saýda alańdarynda tirkeýge baılanysty rásimderdi júrgizýge jumsalǵan shyǵyndardyń 60 paıyzǵa deıin tólem túrinde qoldaý usynyldy», - dedi ol.

 

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar