1962-1969 jyldary ol Qyzylorda oblystyq «Lenın joly», Taldyqorǵan oblystyq «Oktıabr týy» gazetteriniń redaktory bolyp isteıdi. 1969 jyly «Sosıalıstik Qazaqstan» gazetin basqarýǵa keledi. Osy jerde ómiriniń sońyna deıin bas redaktor boldy.
U.Baǵaev birneshe jyl Qazaqstan Jýrnalıster odaǵynyń tóraǵasy mindetin atqara júrip, respýblıkadaǵy jýrnalıst kadrlaryn daıarlaý isine eleýli úles qosty. «Halyq bastamasy – qaınar bulaq» (1961 j.), «Dala juldyzdary» (1970 j.), «Jan sulýlyǵy» (1975 j.), taǵy basqa da kitaptary jaryq kórgen. Eńbek Qyzyl Tý, Qurmet Belgisi ordenderimen jáne birneshe medalmen marapattalǵan. KSRO Jýrnalıster odaǵy syılyǵynyń laýreaty. Almaty oblysynyń Raıymbek aýdanyndaǵy Alǵabas aýylynda Uzaq Baǵaev atyndaǵy orta mektep, kóshe bar. Sol týǵan jerinde mýzeı-úıi ashylǵan. Jyl saıyn jýrnalısterge beriletin Uzaq Baǵaev atyndaǵy arnaýly júlde bar.
